ភ្នំពេញ៖ កាលពីថ្ងៃម្សិលមិញនេះ គឺជាខួបមួយខែនៃការបាញ់សម្លាប់លោកបណ្ឌិត កែម ឡី ដែលគេ ទទួលស្គាល់ថាជាអ្នកវិភាគនិយាយការពិត ពីបញ្ហាសង្គម។ អ្នកស្រី ប៊ូ រចនា ភរិយារបស់លោក បណ្ឌិត កែម ឡី បានផ្ដល់បទសម្ភាសន៍ជាមួយ វិទ្យុស្ត្រីថា រយៈពេលមួយខែមកនេះ លោកស្រីមិនទទួលបានសញ្ញាជាក់លាក់ណាមួយ ថាប្ដីរបស់អ្នកស្រីទទួលបាន យុត្តិធម៌ នោះនៅឡើយ ។
អ្នកស្រីបញ្ជាក់ថា មួយខែមកនេះ អ្នកស្រីមិនបានធ្វើអ្វីឡើយ ដើម្បីស្វែងរកយុត្តិធម៌ជូនប្ដី គឺក្រៅពីការរស់នៅរបស់អ្នកស្រីនិង កូនៗ ស្ថិតក្នុងស្ថានភាព ភ័យខ្លាច ដែលអ្នកស្រីចាំបាច់ដូរទីតាំងការរស់នៅ។
អ្នកស្រីថា ខួប១០០ថ្ងៃខាងមុខនេះ ក៏អ្នកស្រីមិនអាចសង្ឃឹមថា ប្ដីរបស់អ្នកស្រី នឹងទទួលបានយុត្តិធម៌ អ្វីជាក់លាក់ដែរ។
ចង់ដឹងថាតើអ្នកស្រី មានប្រសាសន៍ អ្វីខ្លះទៀត សូមស្ដាប់បទសម្ភាសន៍ រវាងកញ្ញា ជុំ ជោគ ជាតា និង អ្នកស្រី ប៊ូ រចនា ភរិយាលោកបណ្ឌិត កែម ឡី ដូចតទៅនេះ៖
