Rio Olympics 2016 ៖មហាអំណាចពិភពលោកសហរដ្ឋអាមេរិក និងមហាយក្សអាស៊ីគឺប្រទេសចិន ត្រូវបានគេមើលឃើញថាកំពុងតែព្យាយាមប្រជែងគ្នាយ៉ាងក្តៅគគុកដើម្បីដណ្តើមយកមេដាយមាសពីព្រឹត្តិការណ៍អូឡាំពិករដូវក្ដៅនៅទីក្រុងរីយ៉ូត ប្រទេសប្រេស៊ីល។
ចំណាត់ថ្នាក់លេខ ១ បណ្តោះអាសន្នរវាងប្រទេសទាំងពីរក្នុងតារាត្រូវបានលោតឡើងលោតចុះជានិច្ច នេះក៏ព្រោះតែប្រទេសទាំងពីកំពុងប្រជែងយកមេដាយមាសរៀងៗខ្លួន។
យ៉ាងណាគិតត្រឹមព្រឹកថ្ងៃទី ១០ សីហានេះ ម៉ោងនៅក្នុងប្រទេសកម្ពុជា ចំណាត់ថ្នាក់បណ្តោះអាសន្នគឺ៖
សហរដ្ឋអាមេរិក ៖ឈរនៅលំដាប់ថ្នាក់លេខ ១ មានមេដាយមាស ចំនួន ៩, ប្រាក់ ៨, សំរិត ៩ សរុបមាន ២៦មេដាយ។
ចំណែកប្រទេសចិន ៖ ឈរនៅលំដាប់ថ្នាក់លេខ ២ មានមេដាយមាស ចំនួន ៨, ប្រាក់ ៣, សំរិត ៦ សរុបមាន ១៧មេដាយ។
រីឯប្រទេសហុងការី ៖ ឈរនៅលំដាប់ថ្នាក់លេខ ៣ មានមេដាយមាស ចំនួន ៤, ប្រាក់១, សំរិត ១ សរុបមាន ៦មេដាយ។
ចំណែកប្រទេសនៅក្នុងតំបន់អាស៊ានវិញ ប្រទេសថៃ៖ ឈរនៅលំដាប់ថ្នាក់លេខ ១០ មានមេដាយមាសចំនួន ២, ប្រាក់ ១ , សំរិត ១ សរុបមាន ៤ មេដាយ។
ប្រទេសវៀតណាម៖ ឈរនៅលំដាប់ថ្នាក់លេខ ១៩ស្ទួន មានមេដាយមាសចំនួន ១ សរុបមាន ១។
ប្រទេសឥណ្ឌូនេស៊ី៖ ឈរនៅលំដាប់ថ្នាក់លេខ ២៥ មានមេដាយប្រាក់ ២ សរុបមាន ២គ្រឿង។ ប្រទេសហ្វីលីពិន៖ ឈរនៅលំដាប់ថ្នាក់លេខ ៣១ស្ទួន មេដាយ ប្រាក់១ , សរុបមាន ១មេដាយ។
រីឯកម្ពុជាដែលបានបញ្ជូនអត្តពលិកចំនួន ៦រូប ធ្វើការប្រកួតប្រជែងលើ៤ វិញ្ញាសា នៅមិនទាន់ទទួលបានមេដាយនៅឡើយនោះទេ។ នេះបើយោងតារាចំណាត់ថ្នាក់មេដាយរបស់បណ្តាញព័ត៌មាន BBC៕