ណេប៉ាល់៖ នាយករដ្ឋមន្ត្រីនៃប្រទេសនេប៉ា លោកKhadga Prasad Oli បាននិយាយថា លោកពិតជាបានលាលែងពីតំណែងមែន ហើយលិខិតលាលែងបានដាក់ជូនប្រធានាធិបតីទៀតផង។
តាមគេហទំព័រ DW របស់អាល្លឺម៉ង លោក Khadga Prasad Oli អាយុ ៦៤ ឆ្នាំដែលបានលាលែងពីតំណែង គឺដោយសារលោកយល់ថា លោកបាត់បង់ការគាំទ្រច្រើនពីសមាជិកសភា មកក្រុមចម្រុះនៃគណបក្សកាន់អំណាច។ លោកបានចូលកាន់តំណែងបានរយៈពេល ៩ ខែ ។
លោកត្រូវបានចោទថា មិនបានធ្វើឱ្យប្រទេសជាតិមានការអភិវឌ្ឍន៍ប្រកបដោយតម្លាភាព។ ប៉ុន្តែ Prasad Oli បាននិយាយលើកញ្ចក់ទូរទស្សន៍របស់ប្រទេសនេះថា៖«ខ្ញុំសម្រេចសដូចនេះគឺដើម្បី បើកផ្លូវឱ្យមានការជ្រើសរើស នាយករដ្ឋមន្ត្រីថ្មី ហើយ ខ្ញុំបានដាក់លិខិតលាលែង ទៅប្រធានាធិបតីរួចហើយ»។
ក្រុមអ្នកវិភាគគិតថា ការលាលែងរបស់លោក Prasad Oli នឹងនាំឱ្យមានការគិតគូរឡើងវិញ ក្នុងចំណោមគណបក្សនយោបាយនៃប្រទេសនេះដើម្បីផ្សះផ្សាជាតិ ជាពិសេស ត្រូវពិនិត្យឡើងវិញនូវសេចក្ដីត្រូវការរបស់ជនជាតិដើម ដែលបានប្រឆាំងរដ្ឋធម្មនុញ្ញករណីចោទថា បំបិទសេរីភាព សិទ្ធិរបស់ជនជាតិដើមភាគតិចរបស់ប្រទេសនេះ៕
ប្រភព:DW