ភ្នំពេញ៖ នៅក្នុងបទសម្ភាសន៍មួយជាវិទ្យុស្ត្រី FM102 ប្រធាននាយកដ្ឋានផ្សព្វផ្សាយនៃអាជ្ញាធរជាតិអប្សរា លោក ឡុង កុសល បានពន្យល់អំពីផលប្រយោជន៍នៃការដាក់ដំណើរការផែនទីហានិភ័យក្នុងរមណីដ្ឋានអង្គរ ដើម្បីតាម ដានទីតាំងគ្រោះថ្នាក់នៅបរិវេណប្រាសាទអង្គរវត្ត និងរចនាសម្ព័ន្ធបុរាណផ្សេងទៀត។
លោកពន្យល់ថា ផែនទីហានិភ័យនេះ អាចប្រាប់ឲ្យអ្នកអភិរក្សអង្គរបានដឹងមុននៅទីកន្លែងងាយរងគ្រោះ ក្នុងការទប់ស្កាត់ និងសង្គ្រោះកន្លែងហានិភ័យទាំងនោះទាន់ពេលវេលា។ លោកថា សញ្ញាបង្ហាញពីហានិភ័យមានពណ៌ក្រហម ពណ៌ខៀវ និងពណ៌ទឹកក្រូច ។ លោកបញ្ជាក់ថា ធ្វើដូចនេះដើម្បីបញ្ជៀសការគ្រោះថ្នាក់ ជាយថាហេតុចំពោះភ្ញៀវទេសចរណ៍ ដែលមកទស្សនារមណីដ្ឋានប្រាសាទនានានៅតំបន់អង្ករ។
ដើម្បីបានជ្រាបសូមអញ្ចើញស្តាប់បទសម្ភាសន៍រវាងលោក ធូ វិរៈ អ្នករាយការណ៍ព័ត៌មានរបស់វិទ្យុស្ត្រី ជាមួយលោក ឡុង កុសល ដូចតទៅ៖