ភ្នំពេញ៖ ក្រសួងការបរទេសកម្ពុជា បានសេចក្តីប្រកាសមួយ ចុះហត្ថលេខាដោយលោកប្រាក់ សុខុន រដ្ឋមន្ត្រីក្រសួងការបរទេសធ្វើឡើងនៅថ្ងៃទី ១៧ ខែមិថុនា ឆ្នាំ ២០១៦ បានសម្រេចផ្លាស់ប្តូរមន្ត្រីប្រចាំស្ថានទូត និងស្ថានអគ្គកុងស៊ុលប្រចាំនៅក្រៅប្រទេសចំនួន ១៦ រូប។
បើតាមសេចក្តីប្រកាសនេះ មន្ត្រីទាំង ១៦ រូបត្រូវបានបញ្ចប់ការងារនៅក្រៅប្រទេស ហើយត្រឡប់ចូលមកបម្រើការងារក្នុងប្រទេសកម្ពុជាវិញ។ ក្នុងនោះដែរក្រសួងបានតែងតាំងមន្ត្រី ១៦ រូបថ្មីផ្សេងទៀតទៅជំនួសវិញ។
សេចក្តីប្រកាសដដែលបានបញ្ជាក់ថា មន្ត្រីនិងកុងស៊ុលប្រចាំប្រទេសអូស្ត្រាលី ណូវ៉ែលហ្សេឡង់ សាធារណៈរដ្ឋប្រជាមានិតចិន បារាំង សហព័ន្ធអាល្លឺម៉ង់ ឡាវ ម៉ាឡេស៊ី ឥណ្ឌូនេស៊ី មីយ៉ាន់ម៉ា ហ្វីលីពីន ថៃ សហរដ្ឋអាមេរិក និងនៅស្ថានអគ្គកុងស៊ុលប្រចាំ ទីក្រុងឆុងឈីង ទីក្រុងហុងកុង ទីក្រុងក្វាងចូវ ទីក្រុងហូជីមិញ ដែលត្រូវបានផ្លាស់ប្តូរ ត្រូវអនុវត្តចាប់ពីថ្ងៃចុះហត្ថលេខានេះ៕