បាងកក៖ បុត្រាច្បងទី២ របស់ព្រះមហាក្សត្រថៃ Maha Vajiralongkorn បានយាងទស្សនកិច្ចមណ្ឌលថែទាំកុមារក្រីក្រកាលពីថ្ងៃអង្គារទី៨ ខែសីហា ឆ្នាំ២០២៣ ដែលជាដំណើរទស្សនកិច្ចដ៏គួរឱ្យភ្ញាក់ផ្អើលជាលើកទីមួយ ដែលព្រះអង្គបានយាងត្រឡប់មកមាតុភូមិវិញក្នុងរយៈពេល២៧ឆ្នាំ។រាយការណ៍ដោយ
ព្រះអង្គម្ចាស់ Vacharaesorn Vivacharawongse ព្រះជន្ម៤២ព្រះវស្សា ធ្វើការនៅក្រុមហ៊ុនច្បាប់មួយក្នុងទីក្រុងញូវយ៉ក បានយាងទៅមជ្ឈមណ្ឌលថែទាំកុមារ ដែលឧបត្ថម្ភដោយរាជវង្សានុវង្ស។ព្រះអង្គម្ចាស់
Vacharaesorn បានថ្លែងទៅកាន់អ្នកយកព័ត៌មាននៅបាងកកថា “ខ្ញុំរីករាយណាស់ដែលបានត្រឡប់មកវិញ ខ្ញុំបានឃ្លាតឆ្ងាយអស់រយៈពេល២៧ឆ្នាំហើយ”។ទ្រង់បានបន្ថែមថា “វាដូចជាសុបិនក្លាយជាការពិត”។
ទោះយ៉ាងណាព្រះបរមរាជវាំងថៃមិនបានធ្វើអត្ថាធិប្បាយជុំវិញដំណើរទស្សនកិច្ចនេះទេ។
ប្រជាជនថៃជាច្រើនមានការភ្ញាក់ផ្អើលចំពោះការវិលត្រលប់របស់ទ្រង់ Vacharaesorn ។ រូបភាពរបស់ទ្រង់នៅក្នុង “រ៉ឺម៉កកង់បី” នៅទីក្រុងបាងកក ដែលទ្រង់បានបង្ហោះកាលពីថ្ងៃចន្ទទី៧ ខែសីហានៅលើទំព័រហ្វេសប៊ុកដែលមានអ្នកតាមដានជាង៨ម៉ឺននាក់ និងទទួលបានការLikeចូលចិត្តរាប់ម៉ឺននាក់។
លោក Angsana Seeprasit អាយុ 66ឆ្នាំបាននិយាយថា “ខ្ញុំរំជើបរំជួលណាស់ដែលទ្រង់បានទៅឆ្ងាយ។ សម្រាប់ខ្ញុំទ្រង់នៅតែជាសមាជិកនៃគ្រួសាររាជវង្ស” ។ទ្រង់Vacharaesorn គឺជាព្រះរាជបុត្រាទី២ ក្នុងចំណោមព្រះរាជបុត្រាទាំងបួនរបស់ព្រះមហេសីទីពីររបស់ព្រះបាទ Vajiralongkorn គឺ ព្រះនាង Sujarinee Vivacharawongse ដែលជាអតីតតារាសម្តែងដែលបានលែងលះជាមួយមហាក្សត្រថៃបច្ចុប្បន្នក្នុងឆ្នាំ ១៩៩៦ ។
ទ្រង់មិនមានឋានៈជារាជវង្សផ្លូវការទេ ទោះបីជាតាមបច្ចេកទេសទ្រង់នៅមានឋានៈជាសមាជិករាជវង្សដែលព្រះមហាក្សត្រមុនប្រទានឲ្យកាលនៅកុមារជាចៅប្រុសរបស់ទ្រង់។
មាតា បងប្អូនបីអង្គ និងបងស្រីម្នាក់របស់ទ្រង់ បានឃ្លាតឆ្ងាយពីគ្នាបន្ទាប់ពីមាតានិងបិតាបានលែងលះគ្នានៅឆ្នាំ១៩៩៦ ដែលកាលណោះមាតារបស់ទ្រង់ត្រូវបានចោទប្រកាន់ជាសាធារណៈពីបទផិតក្បត់ ហើយបានផ្លាស់ទៅរស់នៅក្រៅប្រទេស។ ប្អូនស្រីរបស់ទ្រង់ Vacharaesorn ក្រោយមកបានទទួលឋានៈជាព្រះរាជវង្សានុវង្សជាថ្មី ហើយបានថ្វាយព្រះនាមថា Princess Sirivannavari Nariratana។ ព្រះនាងជាអ្នកច្នៃម៉ូដ និងជិះសេះនិងបានចូលរួមប្រកួតកីឡាអាស៊ីឆ្នាំ២០១៤ សម្រាប់ប្រទេសថៃ។ ព្រះចៅវជិរ៉ាឡុងកនដែលបានលែងលះបីដងមានបុត្រប្រាំពីរអង្គ។ ព្រះអង្គបានរៀបអភិសេកជាមួយព្រះនាងសុធីតា អតីតអង្គរក្សរបស់ព្រះអង្គ ដែលព្រះអង្គបានរៀបអភិសេកប៉ុន្មានថ្ងៃមុនការឡើងគ្រងរាជ្យនៅឆ្នាំ២០១៩។ ព្រះមហាក្សត្រថៃបច្ចុប្បន្នមានព្រះជន្ម៧១ព្រះវស្សាមិនបានបញ្ចេញឈ្មោះអ្នកស្នងរាជផ្លូវការនៅឡើយទេ។កាលពីចុងខែធ្នូ ព្រះរាជបុត្រត្រីច្បងរបស់ព្រះមហាក្សត្រ គឺព្រះនាង Bajrakitiyabha Narendira Debyavati ព្រះជន្ម៤៤ព្រះវស្សា ទ្រង់បានដួលសន្លប់ដោយសារជំងឺបេះដូងធ្ងន់ធ្ងរ។ រហូតមកដល់ពេលនេះព្រះនាងនៅតែស្ថិតក្នុងស្ថានភាពសន្លប់នៅឡើយ៕
ប្រភព៖ C N A ថ្ងៃទី ៩ ខែ សីហា ឆ្នាំ ២០២៣
