កំពង់ធំ៖ កាលពីពេលថ្មីៗនេះ អាជ្ញាធរខេត្តកំពង់ធំបានចុះពិនិត្យនឹងបើកការដ្ឋាន សាងសង់ផ្លូវបេតុងមួយខ្សែមានប្រវែង ២១០ម៉ែត ទទឹង ៥ ម៉ែតស្ថិតក្នុងភូមិដូនប៉ែន ឃុំបឹង ស្រុកបារាយណ៍ ខេត្តកំពង់ធំ។ ប្រជាពលរដ្ឋរស់នៅក្នុងភូមិដូនប៉ែនសប្បាយចិត្តដែលអាជ្ញាធរបានចុះមកស្ថាបនាផ្លូវមួយខ្សែដើម្បីភាពងាយស្រួលដល់ប្រជាពលរដ្ឋធ្វើដំណើរទៅមក។

ប្រជាពលរដ្ឋលើកឡើងថា កាលពីមុនផ្លូវមួយខ្សែនេះពិបាកធ្វើដំណើរនូវពេលមានភ្លៀងធ្លាក់ម្តងៗ។ ការដឹងជញ្ជូនទំនិញ កសិផល និងការធ្វើដំណើររបស់ប្រពលរដ្ឋ ពិសេសសិស្សានុសិស្សក៏លំបាកផងដែរ។

សូមបញ្ជាក់ថា ថវិកាសម្រាប់គម្រោងសាងសង់ផ្លូវមួយខ្សែនេះចំណាយថវិកា ៦៦លានរៀលដែលជាកញ្ចប់ថវិការបស់ឃុំ៕