អង្គារភ្លែន នឹងរៀបចំពិធីប្រកាសដំណើរការផែនការយុទ្ឋសាស្ត្រ ៥ ឆ្នាំ ពី២០១៦-២០២១ ដើម្បីបង្ហាញពីកិច្ចការងាររបស់ខ្លួន ក្នុងការលើកកម្ពស់សិទ្ឋិកុមារ និងសមភាពសម្រាប់ក្មេងស្រីនៅក្នុងប្រទេសកម្ពុជា ។ នេះបើតាមសេចក្ដីជូនដំណឹងរបស់អង្គការភ្លែនអន្តរជាតិកម្ពុជា ដែលវិទ្យុស្ដ្រីFm102 បានទទួលនៅថ្ងៃនេះ។
តាមសេចក្ដីជូនដំណឹងរបស់អង្គការភ្លែនអន្តរជាតិកម្ពុជាដដែល ក្រៅពីការដាក់បង្ហាញការងាររបស់ខ្លួន ដើម្បីលើកកម្ពស់សិទ្ឋិកុមារ និងសមភាពសម្រាប់ក្មេងស្រីនៅប្រទេសកម្ពុជាហើយនោះ អង្គការភ្លែនអន្តរជាតិកម្ពុជា ក៏នឹងមានសកម្មភាពសំខាន់ៗចំនួន៥ ក្នុងនោះរួមមាន ៖
១. ការបញ្ចាំងវីដេអូ ក្រោមចំណងជើង «កុមារី ម្តាយ»
២. ការចែករំលែកបទពីសោធន៍ពីបញ្ហានៃការរៀបការវ័យក្មេងរបស់នាង សា នុត ដែលបានរៀបការតាំងពីអាយុ ១៥ឆ្នាំ
៣. ការធ្វើបទបង្ហាញពីផែនការយុទ្ឋសាស្ត្រចំនួន ៥ របស់អង្គការភ្លែន
៤. ការផ្តល់ចំណាប់អារម្មណ៍ពី លោកហង់ ជួន ណារ៉ុនរដ្ឋមន្ត្រីក្រសួងអប់រំ យុវជន និងកីឡា
៥. ការតាំងពិព័ណ៌រូបថតពីសកម្មភាពរបស់អង្គការភ្លែន ផងដែរ។
តាមសេចក្ដីជូនដំណឹងរបស់អង្គការភ្លែនអន្តរជាតិកម្ពុជា ក្នុងពិធី «ប្រកាសដំណើរការ ផែនការយុទ្ធសាស្ត្រ៥ឆ្នាំ» នេះ នឹងរៀបចំធ្វើឡើងនៅ វេលាម៉ោង ២ រសៀល ថ្ងៃទី ១១ តុលា ឆ្នាំ២០១៦នេះ នៅឯសណ្ឋាគារហ៊ីម៉ាវ៉ារី ដែលមានការចូលរួមពីម្ចាស់ជំនួយអង្គការដៃគូ និងអ្នកពាក់ព័ន្ធផ្សេងៗប្រមាណជាង ១០០ នាក់ ៕
