តំណាងរាស្រ្តអាមេរិក ៨ រូប បានដាក់លិខិតរួមគ្នាទៅរដ្ឋមន្រ្តីការបរទេសអាមេរិកលោក ម៉ៃ ផុមផេអូសុំអោយបន្ថែមការដាក់ទណ្ឌកម្មលើមន្រ្តីជាន់ខ្ពស់កម្ពុជា ដែលក្រុមសមាជិកសភាទាំងនោះ យល់ឃើញថាអាជ្ញាធរកម្ពុជានៅតែបន្តគំរាមកំហែង និងបង្ក្រាបសំឡេងប្រឆាំង និងសកម្មជន។ ក្នុងលិខិតនោះ ពួកគាត់ក៏បានស្នើឲ្យពិនិត្យឡើងវិញ លើប្រព័ន្ធអនុគ្រោះពន្ធទូទៅ ឬ GSP របស់កម្ពុជាឡើងវិញដែរ ពាក់ព័ន្ធនឹងសិទ្ធសេរីភាពសហជីព។ តែបែបនេះក្ដី អ្នកនាំពាក្យបក្សកាន់អំណាច មិនបានចាត់ទុកការដាក់ទណ្ឌកម្ម កន្លងមកលើកម្ពុជាមានប្រសិទ្ធភាពនោះទេ។
លោកឡាក់ច័ន្ទតារាជូនសេចក្ដីរាយការណ៍៖
