ក្រុងវ៉ាស៊ីនតោន៖ ខណៈកូរ៉េខាងជើង បន្តបាញ់កាំជ្រួចផ្គើនបំរាមអន្តរជាតិជាថ្មីទៀត ក្រុងវ៉ាស៊ីនតោន បានសម្រេចបញ្ជូននាវាចម្បាំងដ៏ធំ មួយគ្រឿងទៀតគឺនាវា USS Nimitz ដែលនឹងទៅដល់ សមុទ្រកូរ៉េ ឆាប់ៗនេះហើយ។
នាវា USS Nimitz ដែលផ្ទុកយន្តហោះ ចំនួន ៦០គ្រឿង និង កាំជ្រួចរាប់រយដើម នឹង ទៅចូលរួម ជាមួយនាវា USS Carl Vinson និងUSS Ronald Reagan ដែលនៅលើសមុទ្រកូរ៉េ រួចមកហើយ។ ចំណែកឯ នាវា មុជទឹកមហាយក្យ USS Michigan ក៏បាន ទៅដល់ សមុទ្រកូរ៉េផងដែរ។
មេបញ្ជាការ ប្រចាំនាវា Nimitz លោកអនុសេនីយ៍ ឯក Kevin Lenox និយាយថា នាវានេះ ត្រូវដាក់ពង្រាយ សមុទ្រ ប៉ាស៊ីហ្វិច ហើយចាំសហការជាមួយ នាវា USS Carl Vinson និងUSS Ronald Reagan ប្រសិនបើ មានអ្វីកើតឡើង។
សហរដ្ឋអាមេរិក កម្រ បញ្ជូននាវា Nimitz ទៅ ក្រៅប្រទេសណាស់ លើក លែង អាមេរិករៀបចំធ្វើសង្រ្គាម ទ្រង់ទ្រាយធំ៕ ប្រភព: IBT Times
