កាលពីយប់ថ្ងៃព្រហស្បតិ៍ទី១៥ធ្នូ ភ្លៀងបានធ្លាក់យ៉ាងខ្លាំងក្នុងរាជធានីភ្នំពេញ និងនៅតាមបណ្តាខេត្តមួយនៅកម្ពុជា។ តាមទំព័រហ្វេសប៊ុក របស់ក្រសួងធនធានទឹក និង ឧតុនិយមចុះផ្សាយនៅថ្ងៃសុក្រទី១៦ធ្នូនេះ ខេត្តមួយចំនួន បានជន់លិចយ៉ាងខ្លាំង តែខេត្តត្បូងឃ្មុំ និង ខេត្តពោធិ៍សាត់ ជន់លិចខ្លាំងជាងគេ ដែលបង្កឲ្យមានការជន់លិចកំណាត់ផ្លូវមួយចំនួន។
ចំណែកឯខេត្តពោធិ៍សាត់ក៏ទទួលរងគ្រោះជំនន់ទឹកភ្លៀង ដែលបានធ្លាក់ក្នុងបរិមាណ ៣១ មីល្លីម៉ែត្រ នាព្រឹកថ្ងៃទី ១៦ ខែធ្នូ ឆ្នាំ ២០១៦ នេះ បានបង្កឱ្យផ្លូវមួយចំនួនក្នុងក្រុងពោធិ៍សាត់ រងនូវការលិចលង់៕
