ពួកមន្ដ្រីក្រសួងសុខាភិបាលប្រទេសជប៉ុនបានឱ្យដឹងថា មាន់ប្រហែលជា ២៣០ពាន់ក្បាលនៅឯកសិដ្ឋានមួយ ជាប់មាត់សមុទ្រប្រទេសនេះ នឹងត្រូវពិឃាតអោយអស់នៅពេលឆាប់ៗនេះ បន្ទាប់ពីរកឃើញថា មាន់ទាំងនោះ ផ្ទុកជំងឺផ្ដាសាយបក្សី។
តាមទីភ្នាក់សារព័ត៌មាន AFP កាលពីថ្ងៃអង្គារ៍គេបានសម្លាប់មាន់ចំនួន ៣១ម៉ឺនក្បាលរួចទៅហើយ បន្ទាប់ពីរកឃើញថា ក្នុងកសិដ្ឋានមួយនៅជាប់មាត់សមុទ្រជប៉ុន ភាគនិរតីផងដែរនោះ បានងាប់មាន់ចំនួន១០០ក្បាល ដោយសារតែផ្ទុកជំងឺផ្ដាសាយបក្សីនេះ។
កាលពីសប្ដាហ៍មុន សត្វទាចំនួន ១៨០០ក្បាល ក៏ត្រូវបានសម្លាប់ដោយសារតែ កើតជម្ងឺ ផ្ដាសាយប្រភេទនេះ។
ជម្ងឺផ្ដាសាយបក្សី បានកើតមានទៅលើសត្វស្លាបក្នុងស្រុក ហើយវាកើតមាននៅពេលរដូវត្រជាក់ចូលមកដល់។ ជម្ងឺប្រភេទនេះ មិនត្រូវតែកើតមានចំពោះ សត្វបក្សីនោះទេ គឺវាអាចឆ្លងមកមនុស្សផងដែរ៕ The Nation
