ប្រភព៖ C N A ថ្ងៃទី ១៩ ខែ កក្កដា ឆ្នាំ ២០២៣
បាងកក៖ នៅថ្ងៃពុធទី១៩ ខែកក្កដា ឆ្នាំ២០២៣ តុលាការធម្មនុញ្ញប្រទេសថៃបានសម្រេចព្យួរអភ័យឯកសិទ្ធិជាសមាជិករដ្ឋសភាលោកPita Limjaroenrat ជាបណ្តោះអាសន្ន ខណៈដែលសភាបានកោះប្រជុំជជែកពីការជ្រើសតាំងនាយករដ្ឋមន្ត្រី។
ការសម្រេចរបស់តុលាការធម្មនុញ្ញថៃបានធ្វើឡើងបន្ទាប់ពីទទួលយកសំណុំរឿងចោទប្រកាន់លោក Pita មេដឹកនាំគណបក្ស Move Forward ទាក់ទងនឹងការកាន់កាប់ភាគហ៊ុននៅក្នុងក្រុមហ៊ុនប្រព័ន្ធផ្សព្វផ្សាយដោយបំពានច្បាប់បោះឆ្នោត។
លោក Pita ជាអ្នកសេរីនិយម ទទួលបានការអប់រំនៅសហរដ្ឋអាមេរិក បានទទួលសំឡេងមិនគ្រប់គ្រាន់ក្នុងការក្នុងការបោះឆ្នោតសភាដំបូងកាលពីសប្តាហ៍មុនសម្រាប់តំណែងនាយករដ្ឋមន្ត្រី ដោយលោកត្រូវការការគាំទ្រពីសមាជិកសភានិងព្រឹទ្ធសភាបូកបញ្ចូលគ្នាជាងពាក់កណ្តាលដើម្បីក្លាយជានាយករដ្ឋមន្ត្រី។
គេនៅមិនច្បាស់ភ្លាមៗទេថាតើការប្រកាសរបស់តុលាការធម្មនុញ្ញានៅពេលនេះធ្វើឱ្យប៉ះពាល់ដល់ការបោះឆ្នោតជ្រើសតាំងនាយករដ្ឋមន្រ្តីដែរឬយ៉ាងណានោះទេ ដោយសមាជិកសភានៅតែជជែកដេញដោលអំពីការការតែងតាំងលោកPita នៅថ្ងៃពុធទី១៩ ខែកក្កដា។
បទបញ្ជាផ្ទៃក្នងរបស់រដ្ឋសភាថៃបានធ្វើឱ្យមានការលំបាកយ៉ាងខ្លាំងសម្រាប់លោក Pita ក្នុងការបង្កើតរដ្ឋាភិបាលថ្មី។ទោះយ៉ាងណាគណបក្សសម្ព័ន្ធភាពទាំងប្រាំបីនៅតែបន្តគាំទ្រលោកធ្វើជានាយករដ្ឋមន្រ្តី
ដដែល។សេចក្តីសម្រេចរបស់តុលាការធម្មនុញ្ញថៃបានកើតឡើងនៅពេលដែលសមាជិកសភាបានពិភាក្សាគ្នាថាតើលោក Pita គួរតែត្រូវបានអនុញ្ញាតឱ្យឈរឈ្មោះបោះឆ្នោតលើកទីពីរសម្រាប់តំណែងនាយករដ្ឋ
មន្ត្រីឬយ៉ាងណា។ សម្រាប់គូប្រជែងនយោបាយរបស់លោកបានបដិសេដច្រានចោលបេក្ខភាពរបស់លោក Pita រួចស្រេចទៅហើយ។
លោកPita បានប្រកែកថាលោកមិនបានបំពានច្បាប់ដោយសារការកាន់កាប់ភាគហ៊ុនក្នុងក្រុមហ៊ុនប្រព័ន្ធផ្សព្វផ្សាយ iTV នោះទេ ព្រោះក្រុមហ៊ុននេះមិនបានដំណើរការច្រើនឆ្នាំមកហើយ។ តុលាការធម្មនុញ្ញថៃបានសម្រេចថាលោក Pita មានពេល១៥ថ្ងៃដើម្បីប្ដឹងទាស់ទៅនឹងសេចក្ដីសម្រេចព្យួរសិទ្ធិនេះ។
គណបក្ស Move Forward បានថ្លែងថា សេចក្តីសម្រេចរបស់តុលាការធម្មនុញ្ញនៅពេលនេះមិនមានផលប៉ះពាល់ដល់ដំណើរការនីតិវិធីជ្រើសតាំងនាយករដ្ឋមន្រ្តីនៅក្នុងរដ្ឋសភាទេ។សេចក្ដីថ្លែងការណ៍របស់គណបក្សបន្តថា “យោងតាមច្បាប់លោក Pita នៅតែជាបេក្ខជននាយករដ្ឋមន្ត្រី”។
នៅពេលនេះលោកPita មានឧបសគ្គយ៉ាងធំដើម្បីក្លាយជានាយករដ្ឋមន្ត្រី។នៅក្នុងបទសម្ភាសន៍មួយកាលពីថ្ងៃអង្គារទី១៨ ខែកក្កដា ឆ្នាំ២០២៣ លោកបានប្រាប់អ្នកសារព័ត៌មានថា សកម្មភាពទាំងនោះត្រូវបាន “គ្រោងទុកជាមុន” ជាការខិតខំប្រឹងប្រែងរបស់ពួកយោធានិយមដើម្បីរារាំងលោក។
ប្រទេសថៃត្រូវបានគ្រប់គ្រងដោយរដ្ឋបាលចាំផ្ទះចាប់តាំងពីខែមីនា និងមានរយៈពេល៦៥ថ្ងៃហើយបន្ទាប់ពីជ័យជំនះការបោះឆ្នោតដ៏គួរឱ្យភ្ញាក់ផ្អើលរបស់គណប្ស Move Forward និង៩ឆ្នាំបន្ទាប់ពីរដ្ឋាភិបាលដែលគ្រប់គ្រងដោយយោធា៕
