សាធារណរដ្ឋសង្គមនិយមវៀតណាមនិង សាធារណរដ្ឋ កូរ៉េខាងត្បូង បានព្រមព្រៀងគ្នា ដល់កម្រិតខ្ពស់បំផុត លើវិស័យពាណិជ្ជកម្ម ដោយកំណត់គោលដៅ ទំហំពាណិជ្ជកម្ម ឈានដល់១០០ពាន់លានដុល្លារ នៅត្រឹមឆ្នាំ២០២០។
តាមទីភ្នាក់ងារសារព័ត៌មាន Vietnam News ចុះផ្សាយថា កិច្ចព្រមព្រៀងនេះ ធ្វើឡើង អំឡុងប្រធានាធិបតី កូរ៉េខាងត្បូង Moon Jae-in បាន មកធ្វើទស្សនកិច្ច នៅក្រុងហាណូយកាលពីថ្ងៃទី២៤មីនា ដែលបានមកជួបសមភាគីវៀតណាមវៀតណាម លោក Trần Đại Quang និងនាយករដ្ឋមន្ត្រី Nguyễn Xuân Phúc ។
ក្នុងជំនួបនោះ មេដឹកនាំប្រទេសទាំង២ បានវាយតម្លៃខ្ពស់ អំពីចំណងទាក់ទងផ្នែកសេដ្ឋកិច្ច ដែលនាំអោយទំហំពាណិជ្ជកម្មទ្វេភាគីឡើងខ្ពស់ ឈានដល់ការកំណត់ចក្ខុវិស័យ ដូចនេះ។
ក្រៅពីនេះ រដ្ឋមន្ត្រីក្រសួងការងារ ប្រទេសទាំងពីរបានព្រមព្រៀងគ្នា បន្ថែមទៀត លើការពង្រីក ការបញ្ជូនពលករវៀតណាមទៅកូរ៉េខាងត្បូង។ ជាមួយគ្នានេះ មេដឹកនាំប្រទេសទាំងពីរក៏បានលើកឡើងផងដែរ អំពីការជួយគ្នាដើម្បីពង្រឹងស្ថិរភាព តំបន់ ប្រកបដោយសន្តិភាពនិងការរីកចម្រើន៕
