ប្រទេសឥណ្ឌូនេស៊ី ប្រកាសថា នឹងប្រហារជីវិវិតមនុស្ស ១៤នាក់ ពាក់ព័ន្ធការរត់ពន្ធគ្រឿងញៀន នៅរយៈពេលប៉ុន្មានថ្ងៃខាងមុខនេះ ដែលនាំឱ្យស្នងការសិទិ្ធមនុស្ស អង្គការសហប្រជាជាតិ សម្ដែងការព្រួយបារម្ភយ៉ាងខ្លាំង ហើយទាមទារឱ្យទម្លាក់ចោលជាបន្ទាន់។
អគ្គរដ្ឋអាជ្ញា Muhammad Prasetyo នៃប្រទេសឥណ្ឌូនេស៊ី ដែលស្រង់មកចុះផ្សាយដោយ បណ្ដាញផ្សាយព័ត៌មាន BBC និយាយថា មនុស្ស១៤នាក់នេះបានឱ្យស្ថិតនៅក្នុង ស្ថានភាព រស់នៅតែឯងហើយ តាំងពីថ្ងៃសៅរិ៍សប្ដាហ៍មុន ហើយរង់ចាំការនាំទៅកន្លែងពិឃាដ នៅព្រឹកព្រលឹមថ្ងៃសុក្រទី ២៩កក្កដានេះ។
លោក Zeid Ra'ad al-Hussein ស្នងការសិទ្ធិមនុស្សអង្គការសហប្រជាជាតិ បាននិយាយថា ការជំរុំជំម្រះក្ដី លើអ្នកទោសទាំងនោះ មិនគួរធ្វើឡើងនោះទេ ដែលករណីនេះ ឥណ្ឌូនេស៊ី គួររក វិធានច្បាប់ថ្មីមកជំនួសវិញ។
ឥណ្ឌូនេស៊ីត្រូវបានគេរាប់ ជាប្រទេសមួយក្នុងចំណោមប្រទេសជាច្រើនទៀត ដែលនៅតែ មានច្បាប់កាត់ទោសអ្នករត់ពន្ធគ្រឿងញៀន ដោយប្រហារជីវិត។ ប្រទេសនៅអាស៊ី ដែលកំណត់ទោស ប្រហារជីវិត មាន វៀតណាម សិង្ហបុរី ម៉ាឡេស៊ី និងប្រទេសចិន៕ប្រភព៖ BBC
