loader

ក្រសួងមហាផ្ទៃសម្រេចបង្កើតការិយាល័យប្រឆាំងបទល្មើសបច្ចេកវិទ្យា ៥ រាជធានី-ខេត្ត

ក្រុងភ្នំពេញ៖ សម្តេច ស ខេង រដ្ឋមន្រ្តីនៃក្រសួងមហាផ្ទៃ នាព្រឹកថ្ងៃទី ១៣ ខែ ធ្នូ ឆ្នាំ ២០១៨ នេះ បានឲ្យដឹងថា ក្រសួងមហាផ្ទៃ បានសម្រេចបង្កើតការិយាល័យប្រឆាំងបទល្មើសបច្ចេកវិទ្យា នៅស្នងការដ្ឋាននគរបាលរាជធានី-ខេត្តចំនួន ៥ ដើម្បីបង្ក្រាបបទល្មើសនេះឲ្យកាន់តែមានប្រសិទ្ធិភាពបន្ថែមទៀត។

សម្តេច ស ខេង បានថ្លែងថា៖ « ខ្ញុំឲ្យបង្កើតការិយាល័យមួយនៅតាមស្នងការដ្ឋានចំនួូន ៤ កន្លែង គឺការិយាល័យប្រឆាំងបទល្មើសបច្ចេកវិទ្យា តែនៅក្រសួង អគ្គស្នងការដ្ឋាននគរបាលជាតិមានហើយ ប៉ុន្តែនៅរាជធានី-ខេត្តចំនួន ៤ មានរាជធានីភ្នំពេញ សៀមរាប ព្រះសីហនុ និង ស្វាយរៀង ហើយថ្ងៃក្រោយនឹងបង្កើតទូទាំងប្រទេស»

ជាមួយគ្នានេះ លោកឧត្តមសេនីយ៍ ឯក ពៅ ប្រធាននាយកដ្ឋានប្រឆាំងបទល្មើសបច្ចេកវិទ្យា នៃអគ្គស្នងការដ្ឋាននគរបាលជាតិ បានថ្លែងថា ក្រសួងមហាផ្ទៃ បានបង្កើតរួចរាល់ហើយនូវការិយាល័យប្រឆាំងនឹងបទល្មើសបច្ចេកវិទ្យានេះ ប៉ុន្តែមិនទាន់មានចេញជារូបរាងនោះទេ ពោលនៅពេលនេះក្រសួងកំពុងរៀបចំបណ្តាញ រចនាសម្ព័ន្ធ និង បណ្តុះបណ្តាលដល់មន្រ្តីជំនាញ ដែលត្រូវបំពេញភារកិច្ចនេះ។

លោកបានថ្លែងថា៖ «ក្រសួងបានបង្កើតរួចហើយ នូវការិយាល័យប្រឆាំងបទល្មើសបច្ចេកវិទ្យានេះ ប៉ុន្ដែមិនទាន់ចេញជាផ្លូវការនោះទេ ព្រោះថាពេលនេះកំពុងតែបណ្ដុះបណ្ដាលជំនាញ និងរចនាសម្ព័ន្ធ។ ការិយាល័យនេះ នឹងបង្កើតនៅរាជធានីភ្នំពេញ ខេត្តព្រះសីហនុ ខេត្តស្វាយរៀង ខេត្តសៀមរាប ហើយបន្ដទៅខេត្តបន្ទាយមានជ័យ»

សូមបញ្ជាក់ថា ក្រៅតែពីការងារប្រឆាំងបទល្មើសបច្ចេកវិទ្យានេះ សម្តេច ស ខេង ក៏បាននៅបន្តជំរុញឲ្យបង្កើតបទល្មើសគ្រឿងញៀន និង រិតបន្តឹងលើការងារច្បាប់ចរាចរណ៍ផងដែរ។ បើតាមសម្តេច ពាក់ព័ន្ធជាមួយករណីគ្រឿងញៀន ត្រូវតែសហការជាមួយ ម្ចាស់ក្លឹបកម្សាន្ត ផ្ទះសំណាក់ និង កន្លែងកម្សាន្តសប្បាយជាដើម៕

បញ្ចេញមតិ

avatar

ព័ត៌មានទាក់ទង

មន្ត្រីជាន់ខ្ពស់ចិនថាចិនមិនបានទាញកម្ពុជាធ្លាក់ក្នុងអន្ទាក់ខ្លួនទេតែអ្នកវិភាគថាកម្ពុជាខ្លួនឯងត្រូវកុំឱ្យធ្លាក់ក្នុងអន្ទាក់ចិន

អនុរដ្ឋមន្រ្តីក្រសួងការបរទេសចិនបានមកធ្វើទស្សន[...]

នាយករដ្ឋមន្ត្រីថាការបោះឆ្នោតឆ្នាំ ២០២៣ អាចនឹងមានបញ្ហា ខណៈអ្នកវិភាគថាមកពី​បញ្ហា​នយោបាយបច្ចុប្បន្ន

សម្ដេច ហ៊ុន សែន ថ្លែងថា ការបោះឆ្នោតឆ្នាំ​២០២៣[...]

ការបោះឆ្នោតនៅថៃ៖បក្សប្រជាធិបតេយ្យសង្ឃឹមរកបាន១៥០អាសនៈខណៈ អាប់ ភីស៊ីតនឹងក្លាយជា Kingmaker

កម្លាំងនយោបាយនៅថៃ ត្រូវបានរកឃើញថាមានប្រាំគណបក[...]

ព័ត៏មានថ្មី

វីដេអូថ្មីបំផុត