loader

ក្រសួងវប្បធម៌រៀបចំឯកសារដាក់ប្រាសាទកោះកេរនិងប្រាសាទបន្ទាយឆ្មាជាសម្បត្តិបេតិកភណ្ឌពិភពលោក

ក្រុងភ្នំពេញ៖ក្រសួងវប្បធម៌និងវិចិត្រសិល្បៈកំពុងរៀបចំឯកសារប្រាសាទកោះកេរនិងប្រាសាទបន្ទាយឆ្មាដោយស្នើឲ្យអង្គការយូនីស្កូរដាក់ជាបញ្ជីបេតិកភណ្ឌជាតិពិភពលោកស្របពេលក្រសួងចាប់ផ្តើមរៀបចំឯកសារល្ខោនខោលនិងក្បាច់គុណល្បុក្កតោបញ្ជូនទៅអង្គការយូនីស្កូរ។

ការប្រកាសបែបនេះធ្វើឡើងនៅក្នុងពិធីសន្និបាតបូកសរុបលទ្ធផលការងាររបស់ខ្លួនប្រចាំឆ្នាំ២០១៧និងលើកទិសដៅការងារសម្រាប់ឆ្នាំ២០១៨ដែលមានរយៈពេល២ថ្ងៃនៅឯសាលសន្នីសីទចតុមុខដោយមានការចូលរួមពីមន្រ្តីពាក់ព័ន្ធធ្វើឡើងដោយមានវត្តមានលោកស្រីភឿងសកុណារដ្ឋមន្រ្តីនៃក្រសួងវប្បធម៌និងវិចិត្រសិល្បៈ។

លោកស្រី ភឿង សកុណា រដ្ឋមន្រ្ដីក្រសួងវប្បធម៌ និង វិចិត្រសិល្បៈ បានថ្លែងថា «ទិសដៅសម្រាប់ឆ្នាំ ២០១៧ ក្រសួង បានសម្រេចជោគជ័យ ចុះបញ្ជី ប្រាសាទសំបូរព្រៃគុក ជាបេតិកភណ្ឌពិភព​លោក។ ដោយឡែក សម្រាប់ទិសដៅឆ្នាំ ២០១៨ នេះ គឺយើងបានចាប់ផ្ដើម​រៀបចំឯកសារ នៃកោះកេរ និង បន្ទាយឆ្មារ ដាក់ស្នើសុំ ផ្ញើទៅអង្គការយូនីស្កូរ ដើម្បីដាក់ជាបញ្ជីបេតិកភណ្ឌ នៅពេលដែលរៀបចំឯកសារគ្រប់គ្រាន់ យើង​នឹងបញ្ចូនទៅអង្គការយូនីស្កូរ។ ​បច្ចុប្បន្ននេះ យើងបានរៀបចំឯកសារ ល្ខោនខោល និង ក្បាច់ល្បុក្កតោ បញ្ចូនទៅអង្គការយូនីស្កូររួចហើយ ហើយក៏កំពុងតែរៀបចំខាងតម្បាញសូត្រ និង​កំពុងទាក់ទងទៅបណ្ដារក្រៅប្រទេស ដើម្បីពាំនាំ និង​ស្វែងរក យកវត្ថុបុរាណ មកកាន់ដែនដីកម្ពុជាវិញ ផងដែរ»។

លោកស្រី​បានសង្កត់ធ្ងន់ថា «ទិសដៅសម្រាប់ឆ្នាំ ២០១៨ នេះ ក្រសួង​នឹងដាក់ផែនការ ស្រាវជ្រាវយកវត្ថុបុរាណ ដែលជាសម្បត្តិរូបិយ មកទុកជាកេរ្ដិ៍ដំណែល និងតម្កល់ទុក នៅសារៈមន្ទីរជាតិ ឬ​បញ្ចូនទៅកន្លែងដើម មកកម្ពុជាវិញ ខណៈដែលវត្ថុបុរាណខ្លះ កំពុងតែបាត់បង់ និង​រកមិនទាន់ឃើញរូបរាង នៅឡើយ។

ចំណែកឯសម្បតិ្តអរូបិយ​វិញ មានដូចជា វិស័យភាពយន្ត សៀក វង់ភ្លេងបុរាណខ្មែរ ការសូន្យរូប ការគូររូបគំនូរខ្មែរ​ជាដើម។ សកម្មភាពធំទី៣ គឺការពង្រឹងនូវបទដ្ឋានគតិយុទ្ធ និង ធនធានមនុស្ស នៅក្នុងផ្នែកវប្បធម៌នេះ យើងនៅខ្វះបទដ្ឋានគតិយុទ្ធច្រើន ដូច្នេះផែនការសម្រាប់ឆ្នាំ ២០១៨ ធ្វើយ៉ាងណា ត្រូវសម្រេចឲ្យបានច្បាប់គតិយុទ្ធនេះ និង ផែនការបណ្ដុះបណ្ដាល ធនធានមនុស្ស និង​រៀបចំមនុស្ស ឲ្យត្រូវទៅតាមទិសដៅ និង​ភារកិច្ច ពិព័រណ៍មុខតំណែង ឲ្យចំជំនាញ និង​ចំណេះដឹង ធ្វើការទៅតាមសមត្ថភាព មុខតំណែង»៕

 

បញ្ចេញមតិ

avatar

ព័ត៌មានទាក់ទង

តំណាងរាស្រ្ដអាមេរិករំពឹងថាសម្ដេចហ៊ុនសែននឹងជ្រើសរើសការបញ្ចប់ជម្លោះនឹងលោកសមរង្ស៊ីនៅថ្ងៃ៩វិច្ឆិកា

អ្នកតំណាងរាស្រ្ដ របស់សហរដ្ឋអាមេរិក លោក ថេតយូហ[...]

វិភាគ៖បើថៃមិនចាប់ខ្លួនថ្នាក់ដឹកនាំកំពូលៗអតីតCNRPទេគឺក្រុមលោកសមរង្ស៊ីឈ្នះសមរភូមិការទូតលើទឹកដីអាស៊ាន

តាមប្រសាសន៍របស់នាយករដ្ឋមន្រ្ដី សាលដីការបស់តុល[...]

អ្នកវិទ្យាសាស្រ្ដ៖“មហិន្រ្ទប្រាវ៉ាតា”គឺរាជធានីដើមនៃអាណាចក្រអង្គរលាក់ខ្លួននៅក្នុងព្រៃ

ទីបំផុត អ្នកវិទ្យាសាស្រ្ដបានរកឃើញអតីតរាជធានីប[...]

ព័ត៏មានថ្មី

វីដេអូថ្មីបំផុត