loader

បាត់ដំបង៖ កសិករស្រុកមោងឫស្សីកាក់កបជាមួយរបរចិញ្ចឹមចង្រិត ខណៈមានទីផ្សារនៅថៃ

បាត់ដំបង៖ ចង្រិតជាប្រភេទ​​សត្វល្អិត​ម្យ៉ាង​ដែល​រស់​នៅតាម​ព្រៃ តាម​ភូមិ​ស្រុក និងក្នុង​ដីចំការ​ជាដើម។ ចង្រិតត្រូវបានយកមកធ្វើជាម្ហូបអាហារ និងជាចំណីញុំាកំដរមាត់ផង ដែរ។

លោក សេង ហុង មានគម្រោងពង្រីកការចិញ្ចឹមចង្រិតថែមទៀតបន្ទាប់ពីទទួលបានបទពិសោធន៍ចំណេញពីរបរមួយនេះ។ រូបភាព សុភក្តិ ភូឈិត យុវជនខេត្តបាត់ដំបង។

ក្នុងអត្ថបទនេះ យុវជន សុភក្តិ ភូឈិត បានចុះទៅយកព័ត៌មានជុំវិញការចិញ្ចឹមចង្រិតរបស់កសិករមួយរូបរស់នៅភូមិគារ២ ឃុំគារ ស្រុកមោងឫស្សី ខេត្តបាត់ដំបង ដែលមានខ្លឹមសារដូចខាងក្រោម។

លោក សេង ហុង ជាប្រជាជនរស់នៅភូមិគារ២ ឃុំគារ ស្រុកមោងឫស្សី ខេត្តបាត់ដំបង បានចាប់យករបរចិញ្ចឹមចង្រិតអស់រយៈពេលមួយឆ្នាំមកហើយ ដែលជាការចិញ្ចឹមលក្ខណៈគ្រួសារសម្រាប់ដោះស្រាយជីវ ភាពប្រចាំថ្ងៃ។

ទ្រុងចិញ្ចឹមចង្រិតរបស់កសិករ សេង ហុង ។ រូបភាព សុភក្តិ ភូឈិត យុវជនខេត្តបាត់ដំបង។

កសិកររូបនេះបង្ហាញពីរបៀបចិញ្ចឹមក្នុងគ្រួសាររបស់លោកថា លោកសង់ទ្រុងចង្រិតរាងដូចអាងទឹកកម្ពស់ជាងមួយម៉ែត្រ ទទឹងជាង ៣ ម៉ែត្រ និងបណ្តោយប្រវែងជាង ១០ ម៉ែត្រ។ នៅក្នុងទ្រុងចង្រិតមានដាក់សម្រុកស្រដៀងទៅនឹងផ្លានពងទា ដាក់រាយចំបើងពីលើសម្បុកនោះដើម្បីងាយស្រួលដាក់ចំណីឱ្យចង្រិត។ការសង់ទ្រុងចង្រិតគឺមានប្រក់ដំបូងត្រឹមត្រូវ មានពន្លឺ និងខ្យល់ចេញចូលគ្រប់គ្រាន់។

ចំណែកចំណីរបស់ចង្រិតវិញ គឺងាយអាចរកបាននិងចំណាយដើមទុនតិចសម្រាប់អ្នកនៅទីជនបទ គឺមាន កន្ទក់ ដើមចេក ដើមឆៃយ៉ា និង ត្រួយរុក្ខជាតិខ្ចីៗជាដើម។ រយៈពេលចិញ្ចឹមវិញ មានចំនួន ៤៥ថ្ងៃអាចចាប់ចង្រិតលក់បាន។

ស្លឹករុក្ខជាតិដែលដាក់ឱ្យកូនចង្រិតស៊ីជាចំណី។ រូបភាព សុភក្តិ ភូឈិត យុវជនខេត្តបាត់ដំបង។

រីឯតម្លៃវិញអាចលក់បានចាប់ពី ៦ ពាន់រៀលទៅមួយម៉ឺនរៀលក្នុងមួយគីឡូ ហើយមានឈ្មួញមកទិញដល់ផ្ទះយកទៅលក់បន្តទៅប្រទេសថៃ។ លោកឱ្យដឹងថា ការចិញ្ចឹមចង្រិតនេះអាចធ្វើឱ្យជីវភាពគ្រួសាររបស់លោកបានធូរធាមួយកម្រិត ព្រោះលោកអាចលក់ចង្រិតបានជាងមួយលានរៀលស្ទើរជារៀងរាល់ខែ បូកផ្សំជាមួយការធ្វើស្រែ និងការងារសំណង់ខ្លះ៕

អត្ថបទខ្លីសរសេរដោយ សុភក្តិ ភូឈិត យុវជនខេត្តបាត់ដំបង ជាសិក្ខាកាមក្នុងវគ្គបណ្តុះបណ្តាលអំពីអក្ខរកម្មព័ត៌មាន និងប្រព័ន្ធផ្សព្វផ្សាយ (MIL) រៀបចំដោយមណ្ឌលព័ត៌មានស្រ្តីកម្ពុជា(WMC) ក្រោមជំនួយបច្ចេកទេសពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់(DW)។

បញ្ចេញមតិ

avatar

ព័ត៌មានទាក់ទង

ល្ខោនវិទ្យុរឿង៖ ទំនុកចិត្ត

ល្ខោនវិទ្យុរឿង៖ ទំនុកចិត្ត

ថ្ងៃអង្គារ ទី១៧ ខែធ្នូ ឆ្នាំ២០១៩

នាងកញ្ញា លោក លោកស្រី ប្រិយមិត្តអ្នកស្តាប់ជាទី[...]

ព័ត៌មានផ្ទាល់ខ្លួននៅលើបណ្តាញសង្គម

ព័ត៌មានផ្ទាល់ខ្លួននៅលើបណ្តាញសង្គម

ថ្ងៃចន្ទ ទី១៦ ខែធ្នូ ឆ្នាំ២០១៩

MC៖ យុវជនកម្ពុជាកំពុងពេញនិយមក្នុងការប្រើបណ្តា[...]

យុវជនលើកពីសារប្រយោជន៍ពេលទទួលបានចំណេះដឹងផ្នែកសារព័ត៌មាន

ប្រព័ន្ធផ្សព្វផ្សាយជាមធ្យោបាយដ៏មានប្រសិទ្ធភាព[...]

ព័ត៏មានថ្មី

វីដេអូថ្មីបំផុត