loader

កំពង់ធំ៖ ពលរដ្ឋឃុំបឹងចូលរួមវេទិកាលើកបញ្ហាក្នុងមូលដ្ឋានឱ្យអាជ្ញាធរជួយដោះស្រាយ

កំពង់ធំ៖ ប្រជាពលរដ្ឋក្នុងឃុំបឹង ស្រុកបារាយណ៍ ខេត្តកំពង់ធំ បានចូលរួមវេទិកាសាធារណៈ ដែលមានការចូលរួមពីសំណាក់អាជ្ញាធរពាក់ព័ន្ធ ដោយពលរដ្ឋបានលើកក្តីកង្វល់ និងបញ្ហាដែលកំពុងកើតមានក្នុងមូលដ្ឋាន ពិសេសបញ្ហាហេដ្ឋារចនាសម្ព័ន្ធជូនដល់អាជ្ញាធរជួយដោះស្រាយ។

ពលរដ្ឋខ្មែរឥស្លាមចូលរួមកិច្ចប្រជុំលើកបញ្ហាក្នុងមូលដ្ឋាន។រូបភាព ទៀត កាមីឡះ យុវជនខេត្តកំពង់ធំ

វេទិកានេះធ្វើឡើងនៅក្នុងវិហាឥស្លាមក្នុងភូមិត្រពាំង ឃុំបឹង ស្រុកបារាយណ៍ ខេត្តកំពង់ធំ ហើយពលរដ្ឋដែលចូលរួមភាគច្រើនជាពលរដ្ឋរដ្ឋខ្មែរឥស្លាម។

បញ្ហាដែលពលរដ្ឋបានលើកឡើងរួមមាន បញ្ហាផ្លួវថ្នល់ បញ្ហាផ្លូវលិចទឹក បញ្ហាទឹកលិចចូលផ្ទះប្រជាពល រដ្ឋ នឹងបញ្ហាការពារសុខសុវត្ថិភាពសិស្សានុសិស្សពេលឆ្លងផ្លូវមុនចូលរៀន នឹងក្រោយចេញពីសាលារៀន។

ក្រុមអាជ្ញាធរពាក់ព័ន្ធចូលរួមស្តាប់មតិយោបល់របស់ពលរដ្ឋ ដើម្បីឈានទៅរកដំណោះស្រាយ។ រូបភាព ទៀត កាមីឡះ យុវជនខេត្តកំពង់ធំ។

កិច្ចប្រជុំនេះមានការចូលរួមពីលោកអធិការរងស្រុកបារាយណ៍លោក  លោកមេប៉ុស្ត៍ លោកមេឃុំ ក្រុមព្រឹក្សាអភិវឌ្ឍន៍ភូមិឃុំ លោកនាយកអនុវិទ្យាល័យបឹង និងប្រជាពលរដ្ឋច្រើនកុះករ។

ជាការកត់សម្គាល់ ពលរដ្ឋដែលបានចូលរួមប្រជុំបានលើកជាមតិ និងសំនួរយ៉ាងផុសផុលទៅកាន់អ្នកពាក់ព័ន្ធ ហើយអាជ្ញាធរក៏សន្យាថា នឹងបើកកម្មវិធីវេទិកាសារធារណៈ ស្តីពី ការអភិវឌ្ឍន៍ និង សុខសុវត្ថិភាពរបស់ប្រជាពលរដ្ឋទូទាំង ប្រាំភូមិ ក្នុងឃុំបឹង ស្រុកបារាយណ៍ ខេត្តកំពង់ធំនាពេលខាងមុខទៀត៕

អត្ថបទខ្លីសរសេរដោយ ទៀត កាមីឡះ យុវជនខេត្តកំពង់ធំ ជាសិក្ខាកាមក្នុងវគ្គបណ្តុះបណ្តាលអំពីអក្ខរកម្មព័ត៌មាន និងប្រព័ន្ធផ្សព្វផ្សាយ (MIL) រៀបចំដោយមណ្ឌលព័ត៌មានស្រ្តីកម្ពុជា(WMC) ក្រោមជំនួយបច្ចេកទេសពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់(DW)។

បញ្ចេញមតិ

avatar

ព័ត៌មានទាក់ទង

បាត់ដំបង៖ អាជ្ញាធរឃុំកកោះចុះសម្ភាសន៍ពលរដ្ឋផ្តល់ប័ត្រក្រីក្រ

បាត់ដំបង៖ អាជ្ញាធរឃុំកកោះ ស្រុកមោងឫស្សី ខេត្ត[...]

កំពង់ធំ៖ ទឹកតូច ផលត្រីធ្លាក់ចុះ ប្រជានេសាទស្រុកបារាយណ៍ខ្លះត្អូញត្អែរពីបំណុលធនាគារ

ខេត្តកំពង់ធំ៖ អង្គុយលើទូកតូចមួយលោក ញូង ភក្រ្ត[...]

ពលរដ្ឋជនបទខ្លះសង់បង្គន់ពីស្លឹកត្នោតនិងស័ង្កសីចាស់ៗបញ្ចប់ការបន្ទោបង់ពាសវាលពាសកាល

ខេត្តកំពង់ធំ៖ ជាគំរូមួយដ៏ល្អប្រសើរ ប្រជាពលរដ្[...]

ព័ត៏មានថ្មី

វីដេអូថ្មីបំផុត