loader

អ្នកស្រី សួ ចិត្រ ដាំបន្លែសរីរាង្គធ្វើម្ហូបលក់គិតគូរពីសុខភាពអ្នកទទួលទាន

កំពង់ធំ៖ អ្នកស្រី សួ ចិត្រ និងប្តីគឺលោក ផ្លុង លិន ជាអ្នកធ្វើម្ហូបអាហារស្រាប់លក់នៅផ្សារមួយកន្លែងស្ថិតក្នុងភូមិ​បឹង  ឃុំបឹង ស្រុកបារាយណ៍ ខេត្តកំពង់ធំ។ សព្វថ្ងៃប្តីប្រពន្ធទាំងពីររូបនេះ បានដាំបន្លែខ្លួនឯងខ្លះ ដើម្បីកាត់បន្ថយការចំណាយទិញបន្លែពីផ្សារដែលសម្បូរដោយសារជាតិគីមីធ្វើឱ្យប៉ះពាល់សុខភាព។

អ្នកស្រី ចិត្រ កំពុងលក់ម្ហូបនិងបន្លែនៅផ្សារក្នុងភូមិបឹង។រូបភាព ហុក ដេប៉ូ យុវជនខេត្តកមពង់ធំ

អ្នកស្រីឱ្យដឹងថា ការដាំបន្លែខ្លួនឯងមិនប្រើថ្នាំគីមីគឺអាចរក្សាបានសុខភាពគ្រួសារ និងអ្នកទទួលទាន។

អ្នកទាំងពីរបានចាប់យកមុខរបរធ្វើម្ហូបលក់នេះរយៈពេល ៤ ឆ្នាំមកហើយ ហើយមុខម្ហូបដែលអ្នកស្រីនិងប្ដីតែងតែធ្វើមានដូចជា ផាកឡូវ ញាំ ម្ជូរគ្រឿង ឆាតាំងហ៊ុន និងប្រហុកខ្ទិះ។

បងស្រី ចិត្រ កំពុងធ្វើម្ហូបត្រៀមលក់នៅពេលល្ងាច។ រូបភាព ហុក ដេប៉ូ យុវជនខេត្តកំពង់ធំ

ប្តីប្រពន្ធទាំងពីរចាប់ផ្ដើមធ្វើម្ហូបចាប់ពីម៉ោង ១ រសៀលដល់ម៉ោង ៣:៣០នាទីល្ងាចទើបរួច ហើយត្រូវដឹកយកទៅលក់ម៉ោង ៤ ល្ងាចនៅផ្សារក្នុងភូមិបឹងស្រាប់ និងត្រឡប់មកវិញនៅម៉ោង ៦:៣០ នាទីល្ងាច។

ចំណែកចំណូលវិញក្នុងមួយថ្ងៃ អាចចំណេញប្រាក់ជាមធ្យមពី ៤ម៉ឺន ទៅ ៥ម៉ឺន។ អ្នកស្រីប្រាប់ថា មុខរបរនេះគឺចំណេញមិនច្រើននោះទេ តែវាជាមុខរបរបន្ទាប់បន្សំក្នុងគ្រួសារដែលអាចជួយរកប្រាក់បន្ថែមពីមុខរបរប្ដីដែលធ្វើស្រែចំការ និងចុងភៅតាមរោងការផងដែរ។

លោក លិន ជាស្វាមីកំពុងធ្វើផាកឡូវឱ្យប្រពន្ធយកទៅលក់។ រូបភាព ហុក ដេប៉ូ យុវជនខេត្តកំពង់ធំ

មុខរបរធ្វើម្ហូបអាហារលក់នេះ បានធ្វើអោយគ្រួសារបងស្រីមានភាពធូរធាជាងមុនច្រើន ទាំងការហូបចុកគ្រប់គ្រាន់ មានលុយទិញរបស់ប្រើប្រាស់ល្អៗ ជួយរកប្រាក់បន្ថែមដើម្បីអាចមានលទ្ធភាពធ្វើផ្ទះនៅ និងអាចផ្គត់ផ្គង់កូនៗរៀនសូត្របានទាំងបីនាក់ ដែលកូនទីមួយរៀនថ្នាក់ទី១០ កូនទីពីររៀនថ្នាក់ទី ៦ កូនពៅទីបីរៀនថ្នាក់ទី ២៕

អត្ថបទខ្លីសរសេរដោយ ហុក ដេប៉ូ យុវជនខេត្តកំពង់ធំ ជាសិក្ខាកាមក្នុងវគ្គបណ្តុះបណ្តាលអំពីអក្ខរកម្មព័ត៌មាន និងប្រព័ន្ធផ្សព្វផ្សាយ (MIL) រៀបចំដោយមណ្ឌលព័ត៌មានស្រ្តីកម្ពុជា(WMC) ក្រោមជំនួយបច្ចេកទេសពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់(DW)។

បញ្ចេញមតិ

avatar

ព័ត៌មានទាក់ទង

អ្នកស្រី យ៉ោកជឿន ចាប់របរអាំងសាច់គោនិងស្លាបមាន់ចង្កាក់រកកម្រៃវ័យចំណាស់

​ខេត្តកំពង់ធំ៖ អ្នកស្រី យ៉ោកជឿន សព្វថ្ងៃរស់នៅ[...]

កំពង់ធំ៖ របរលក់ដូរនៅតំបន់ដាច់ស្រយាលទទួលបានចំណូលសមរម្យ

កំពង់ធំ​៖ អង្គុយក្នុងតូបតូចមួយមានអីវ៉ាន់ចាប់ហ[...]

កំពង់ធំ៖ របរដំដែកជួយជីវភាពគ្រួសារលោក រី មិនបាច់ចំណាកស្រុក

ភ្នំពេញ៖ សំឡេងផូងផាងលឹនលឺចេញពីផ្លែញញួរទង្គិចជ[...]

ព័ត៏មានថ្មី

វីដេអូថ្មីបំផុត