គណបក្សធម្មាធិបតេយ្យ ដែលមានលោកស្រី ពោធិតី សាវត្ថី ជាប្រធានបក្ស ជាគណបក្សមួយក្នុងចំណោមគណបក្សទាំង២៧ ដែលបានចងសម្ព័ន្ធជាមួយគណបក្សប្រជាជនកម្ពុជា ដែលកំពុងកាន់អំណាច។ លោកស្រីពោធិតី សាវត្ថី បានលើកយកមូលហេតុនៃស្ថានភាពពិភពលោកដែលកំពុងកើតមានសង្គ្រាមតាមបណ្ដាប្រទេសមួយចំនួន ដែលជំរុញឱ្យគណបក្សរបស់លោកស្រីចូលរួមក្នុងសម្ព័ន្ធភាពនេះ។ ក៏ប៉ុន្តែប្រធានគណបក្សធម្មាធិបតេយ្យរូបនេះ បានបង្ហាញគំនិតបដិសេដលើសម្ព័ន្ធភាពរវាងគណបក្សចំនួន៤មុននេះមានគណបក្សភ្លើងទៀនជាដើម ដែលមាននិន្នាការប្រកួតប្រជែងជាងមួយគណបក្សកាន់អំណាច។ ដើម្បីលម្អិត សូមនាង កញ្ញា លោក លោកស្រី ស្ដាប់នូវបទសម្ភាសរវាងលោក គីម ចាន់ចាវ ជាមួយ លោកស្រី ពោធិតី សាវត្ថី ប្រធានគណបក្សធម្មាធិបតេយ្យ ដោយមេត្រី!
