ក្នុងឱកាសខួបលើកទី១១៤ ទិវានារីអន្តរជាតិ អ្នកស្រី យឹម សុធី ប្រធានសមាគមអ្នកបម្រើការងារតាមផ្ទះ ស្នើឱ្យភាគីពាក់ព័ន្ធ ពិសេសម្ចាស់ផ្ទះ ដែលត្រូវការកម្មករធ្វើការនៅផ្ទះរបស់ពួកគាត់ ត្រូវតែផ្ដល់ថ្ងៃឈប់សម្រាករបស់គាត់ទៅតាមច្បាប់ស្ដីពីការងារ និងបញ្ឈប់ការកេងកម្លាំងនិងម៉ោងធ្វើការ។ ក្នុងបទសម្ភាសជាមួយវិទ្យុស្ត្រី នៅថ្ងៃទី៧ ខែមីនា ប្រធានសមាគមអ្នកបម្រើការងារតាមផ្ទះ ក៏បានទទូចផងដែរក្នុងការផ្ដល់ប័ណ្ណប.ស.ស ឱ្យកម្មករតាមផ្ទះ ដើម្បីឱ្យពួកគាត់មានលទ្ធភាពទទួលសេវាព្យាបាលសុខភាពដូចអ្នកធ្វើការនៅក្រុមហ៊ុន ឬរោងចក្រសហគ្រាសដែរ។ ជាបន្តសូមនាងកញ្ញា លោក លោកស្រីស្ដាប់បទសម្ភាស រវាង លោក គីម ចាន់ចាវ ជាមួយអ្នកស្រី យឹម សុធី ដោយមេត្រី៖
