ភាពជោគជ័យនៃនីតិកម្ម (ច្បាប់) ពីខ្យល់ស្អាតក្នុងប្រទេសអភិវឌ្ឍន៍នៅលោកខាងលិចនេះ គឺជាភស្ដុតាងនៅក្នុងលទ្ធផលដែលបានមកពីការសិក្សា រយៈពេល ១០ឆ្នាំដោយផ្កាយរណបទីភ្នាក់ងារអវកាសអាមេរិក។ នេះបើយោងតាមការផ្សាយរបស់សារព័ត៌មាន BBC News នៅថ្ងៃទី១៥ ធ្នូ ២០១៥។
បេសកកម្ម Aura បានតាមដាននិន្នាការនៅក្នុងការបំភាយនៃឧស្ម័នឌីអាសូតចាប់តាំងពីការបើកដំណើរការរបស់ខ្លួននៅក្នុងឆ្នាំ ២០០៤។
គេមើលឃើញថាមានការបំពុលខ្លាំងនៅសហរដ្ឋអាមេរិក និងនៅអឺរ៉ុប ខណៈពេលដែល ដូចគ្នានេះ ក៏មានការកើនឡើងនូវការបំពុលនៅក្នុងប្រទេសកំពុងអភិវឌ្ឍមួយចំនួនដែរដូចជាប្រទេសចិនជាដើម។
NO2 ត្រូវបានផលិតនៅក្នុងផ្នែកធំដែលជាលទ្ធផលនៃការដុតឥន្ធនៈហ្វូស៊ីលមួយនេះ។ ប្រភពសំខាន់ៗរួមមាន tailpipes របស់យានយន្ត និងបំពង់ផ្សែងថាមពលស្ថានីយធ្យូងថ្ម។
វិទ្យាសាស្ត្របានធ្វើការនៅលើឧបករណ៍ OMI លើ Aura បានធ្វើការវិភាគរយៈពេលទាំងមូលពីឆ្នាំ ២០០៥ ដល់ឆ្នាំ ២០១៤ និងបានធ្វើបទបង្ហាញពីការរកឃើញរបស់ពួកគេនៅទីនេះ នៅក្នុងកិច្ចប្រជុំនារដូវរងានៃសហភាពភូមិសាស្ត្រអាមេរិក។
សហរដ្ឋអាមេរិកនិងអឺរ៉ុបនៅតែបញ្ចេញនូវឧស្ម័ន NO2 ដ៏ច្រើន ថ្វីបើពួកគេបានរកឃើញថាមានភាពជោគជ័យគួរឱ្យកត់សម្គាល់នៅក្នុងការកំហិតពីបញ្ហានេះ។
កម្រិតនៃការបានធ្លាក់ចុះពី ២០ ទៅ ៥០% នៅទូទាំងអាមេរិកខាងជើងក្នុងរយៈពេលនៃការសិក្សា និងនៅអឺរ៉ុបក៏មានច្រើនជាង ៥០% ។
នៅក្នុងស៊េរីនៃផែនទីមួយ ដែលផលិតឡើងដោយក្រុម OMI ឃើញថាការថយចុះត្រូវបានឃើញដោយពណ៌ខៀវ។
ផ្ទុយទៅវិញ ពណ៌ក្រហម បញ្ជាក់ការកើនឡើងនៅក្នុងការបំភាយឧស្ម័ន NO2។ ទាំងនេះបានបញ្ជាក់ឃើញយ៉ាងជាក់ស្តែងបំផុតនៅក្នុងប្រទេសកំពុងអភិវឌ្ឍ។
គំរូល្អ គឺប្រទេសចិន និងជាក់ច្បាស់នៅភាគខាងជើង បានក្លាយជាមជ្ឈមណ្ឌលផលិតកម្មសកលដ៏សំខាន់មួយនៅក្នុងអំឡុងពេលនៃស៊េរីពេលវេលា OMI ។
លោក Bryan Duncan ដែលជាអ្នកវិទ្យាសាស្ត្រខាងបរិយាកាសជាមួយ Nasa ពន្យល់ថា៖ «កម្រិតកាបូនអាសូតឌីអុកស៊ីតនៅទីនេះបានកើនឡើងពី ២០ ទៅ ៥០% ក្នុងរយៈពេលមួយទសវត្សរ៍ចុងក្រោយនេះ ហើយសម្រាប់មូលហេតុនេះ កំណើន សេដ្ឋកិច្ចរបស់ចិនកំពុងត្រូវបានជំរុញដោយធ្យូងថ្មមានតម្លៃថោក និងមានច្រើនក្រៃលែងរបស់ខ្លួន»។
នៅក្នុងប្រទេសចិន ទីក្រុងធំៗមួយចំនួន ត្រូវបានគេឃើញថាមានស្ថានភាពប្រសើរឡើង។ នៅក្នុងទីក្រុងប៉េកាំង និង
សៀងហៃ ហើយផ្នែកខ្លះរបស់ទីក្រុងនៃដីសណ្តទន្លេគុជដោយរួមបញ្ចូលទាំងទីក្រុងហុងកុង បានធ្លាក់ចុះកម្រិតរហូតមកដល់ ៤០%។
លោកវេជ្ជបណ្ឌិត Duncan បានថ្លែងថា៖ «នេះគឺរដ្ឋបាលមូលដ្ឋាននិងរដ្ឋាភិបាលក្នុងតំបន់ធ្វើការរួមគ្នា ដើម្បីកាត់បន្ថយការបំពុលបរិស្ថានរបស់ពួកគេ ហើយនិងអ្នកមានជីវភាពមធ្យមរស់នៅតំបន់វាលទំនាបថ្មី ទាមទារឱ្យមានខ្យល់ស្អាត»។
អ្វីដែលស្រដៀងគ្នានេះ ត្រូវបានគេមើលឃើញនៅភាគខាងត្បូងប្រទេសអាហ្វ្រិកដែលជាកន្លែងដែលបំភាយឧស្ម័ននៅទីក្រុង Johannesburg-Pretoria ថាកើនឡើងនូវទីតាំងឧស្សាហកម្មជាច្រើននៅ Highveld ដែលជាខ្ពង់រាបនៅឆ្ងាយពីមាត់សមុទ្ររបស់ប្រទេសនេះ។
នៅសហរដ្ឋអាមេរិក ជាទូទៅទិសដៅដើម្បីទទួលបានជោគជ័យ គឺត្រូវបានជំទាស់នៅក្នុងតំបន់មួយចំនួនដូចជា រដ្ឋតិចសាស និងផ្នែកខាងលិចនៃរដ្ឋដាកូតាខាងជើង ដែលជាកន្លែងផលិតឧស្ម័នមេតាន ត្រូវបានគេមើលឃើញថាមានការបំភាយឧស្ម័ន NO2 កើនឡើង។
អ្នកវិទ្យាសាស្ដ្រ ដែលបានបង្ហាញរូបភាពពីផ្កាយរណប Suomi មួយផ្សេងទៀត ដែលបានចាប់យកពន្លឺភ្លើងពេលយប់។ វាមានភាពងាយស្រួលក្នុងការយកចេញពីលំហអាកាស ចំពោះការដុតឧស្ម័នដែលមិនចង់ឱ្យវារលត់។
ករណីដ៏គួរឱ្យចាប់អារម្មណ៍មួយនៅមជ្ឈឹមប្រទេស ក្នុងឆ្នាំ ២០០៥ ឧស្ម័ន NO2បានកើនឡើង ហើយត្រូវបានកត់ត្រាទុកមានដូចជាប្រទេសអ៊ីរ៉ាក់ជាដើម ដែលសន្មតថាមានកំណើនសេដ្ឋកិច្ចកើនឡើង បន្ទាប់ពីសង្គ្រាម។
ក្រុមអ្នកវិទ្យាសាស្ត្រអឺរ៉ុបត្រៀមរួចហើយ ក្នុងដំណើរការជោគជ័យរបស់ខ្លួន ដែលមានឧបករណ៍របស់ខ្លួនហៅថា Tropomi ឬ Super-Omi ដែលនឹងហោះហើរនៅលើផ្កាយរណប Sentinel-5 Precursor នាពេលខាងមុខនេះរបស់សហភាពអឺរ៉ុប។
Pieternel Levelt ពីការិយាល័យ Dutch Met បានប្រាប់ BBC News ថា៖ «ឧបករណ៍ថ្មីនេះ នឹងអាចទៅដល់ដំណោះស្រាយមួយខ្ពស់ជាងនេះ។ នោះមានន័យថា ៧ គីឡូម៉ែត្រ ដូច្នេះវាល្អប្រសើរជាងមុនប្រាំមួយដង ហើយវានឹងមានឥទ្ធិពលច្រើនជាងនេះដែលនឹង អនុញ្ញាតឱ្យយើងមើលឃើញប្រភពតូចជាងមុនបាន»៕
ប្រែសម្រួលដោយ៖ មឿន ឌីណា / ប្រភព៖ BBC News
