ភ្នំពេញ៖ ស្នាដៃកូនខ្មែរយីហោ«CoCo de Takeo»បានកែច្នៃផ្លែដូងជាសម្ភារៈប្រើប្រាស់និងវត្ថុអនុស្សាវរីយ៍ច្រើនប្រភេទ ដែលផលិតផលទាំងនោះ សុទ្ធសឹងធ្វើឡើងដោយក្រុមស្រ្តីៗនិងមានខ្លះជាជនមានពិការភាពផងដែរ។ លោក ខឹម រឹទ្ធី ជាប្រធានផ្នែកលក់នៃសិប្បកម្មកូកូ ឌឺ តាកែវ ប្រាប់ថា សិប្បកម្មមួយនេះបានជួយដល់ប្រជាសហគមន៍នៅទីនោះឱ្យមានជីវភាពល្អប្រសើរថែមមួយកម្រិតទៀត តាមរយៈការផ្តល់ការងារបន្ថែមជូនពួកគេក្រៅពីរបរស្រែចំការ។ ពិសេស សិប្បកម្មនេះបានស្ទួយជីវភាពជនមានពិការភាពនិងស្រ្តីៗឱ្យរកប្រាក់កម្រៃបាន ខណៈពួកគេខ្លះលំបាករកការងារធ្វើ។
ចង់ដឹងថាតើសិប្បកម្មយីហោ«CoCo de Takeo»មានកែច្នៃជាផលិតផលអ្វីខ្លះនិងមានជួយជីវភាពប្រជាសហគមន៍បានយ៉ាងណា? តទៅនេះសូមនាងកញ្ញា លោក លោកស្រី អញ្ជើញស្តាប់កិច្ចសម្ភាសន៍រវាងកញ្ញា គុជ ស៊ីគុល និងលោក ខឹម រឹទ្ធី ជាប្រធានផ្នែកលក់នៃសិប្បកម្មកូកូ ឌឺ តាកែវ ដូចតទៅ!
