លោក សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា នឹងដឹកនាំគណៈប្រតិភូជាន់ខ្ពស់ព្រឹទ្ធសភា ទៅបំពេញទស្សនកិច្ចជាផ្លូវការ នៅសាធារណរដ្ឋសង្គមនិយមវៀតណាម រយៈពេលបីថ្ងៃ គឺចាប់ពីថ្ងៃទី១៥ ដល់ទី១៧ ខែធ្នូ ឆ្នាំ២០១៥។
តាមរយៈសេចក្តីជូនដំណើងរបស់អគ្គលេខាធិការដ្ឋានព្រឹទ្ធសភា ចុះផ្សាយថ្ងៃទី ១៤ខែធ្នូ ម្សិលមិញ បានឱ្យដឹងថា ការបំពេញទស្សនកិច្ចរបស់ប្រធានព្រឹទ្ធសភា នៃព្រះរាជាណាចក្រកម្ពុជានេះនឹងជួបពិភាក្សាការងារទ្វេភាគីជាមួយលោក ង្វៀន សិនហ៊ុង ប្រធានរដ្ឋសភា នៃសាធារណរដ្ឋសង្គមនិយមវៀតណាម។
ទន្ទឹងគ្នានោះដែរ សាយ ឈុំ នឹងជួបជាមួយជាមួយថា្នក់ដឹកនាំជាន់ខ្ពស់នៃសាធារណរដ្ឋសង្គមនិយមវៀតណាម
មួយចំនួនទៀត មានដូចជា លោក ង្វៀន ភូត្រុង អគ្គលេខាធិការបក្សកុម្មុយនីស្តវៀតណាម លោក ជ្រឿង តឹងសាង
ប្រធានរដ្ឋនៃសាធារណរដ្ឋសង្គមនិយមវៀតណាម និងលោក ង្វៀន តាន់យុង នាយករដ្ឋមន្រី្ត នៃសាធារណរដ្ឋសង្គមនិយមវៀតណាមផងដែរ៕
