ក្រុងម៉ូស្គូ៖ ប្រទេសរុស្ស៊ីកាលពីថ្ងៃអាទិត្យ ទី១៣ ខែធ្នូ ឆ្នាំ២០១៥ បានព្រមានឱ្យតួកគីបញ្ឈប់ទង្វើដែលខ្លួនបានហៅថា ការបង្កហេតុប្រឆាំងនឹងកងកម្លាំងរបស់ខ្លួននៅក្នុងឬនៅក្បែរប្រទេសស៊ីរី បន្ទាប់ពីនាវាចម្បាំងមួយរបស់ខ្លួនបានបាញ់ព្រមានទៅនាវារបស់តួកគីនៅក្នុងតំបន់ Aegean ដើម្បីជៀសវាងការប៉ះទង្គិចគ្នា។
ក្រសួងការពារជាតិរុស្ស៊ីបាននិយាយថា នាវាចម្បាំងមួយរបស់ខ្លួន គឺនាវាពិឃាត Smetlivy ត្រូវបានបង្ខំឱ្យបាញ់ព្រមានកាលពីព្រឹកថ្ងៃអាទិត្យ ហើយខ្លួនបានកោះហៅអនុព័ន្ធយោធារបស់ទួរគីទាក់ទងនឹងឧប្បត្តិហេតុនេះ។
សេចក្តីថ្លែងការណ៍មួយក្រសួងការពារជាតិបានឱ្យដឹងថា៖ «អ្នកការទូតយោធារបស់ប្រទេសតួកគី ត្រូវបានទទួលការពន្យល់ថាមានការលំបាកអំពីផលវិបាកមហន្តរាយមានសក្តានុពល ពីសកម្មភាពដែឡមិនប្រុងប្រយ័ត្នទីក្រុងអង់ការ៉ាឆ្ពោះ ទៅលើការបន្តប្រយុទ្ធគ្នា របស់ប្រទេសរុស្ស៊ីប្រឆាំងនឹងអំពើភេរវកម្មអន្ដរជាតិនៅក្នុងប្រទេសស៊ីរី»។
រដ្ឋមន្ត្រីក្រសួងការបរទេសតួកគី លោក Mevlut Cavusoglu ដែលកំពុងនៅក្នុងទីក្រុងរ៉ូមដើម្បីពិភាក្សាលើបញ្ហារបស់ប្រទេសលីប៊ីបាននិយាយថា រដ្ឋាភិបាលក្រុងអង់ការ៉ាកំពុងស៊ើបអង្កេតរឿងនេះ ហើយនឹងធ្វើសេចក្តីថ្លែងការណ៍មួយនៅពេលដែលវាមានព័ត៌មានបន្ថែម។
នៅក្នុងសេចក្តីអធិប្បាយផ្សាយដោយTRT ទូរទស្សន៏ទួកគី លោកបាននិយាយថា ជំហររបស់ប្រទេសទួគី ដែលចង់ដោះស្រាយនូវការលំបាករបស់ខ្លួនជាមួយប្រទេសរុស្ស៊ី ថា៖ «យើងចង់ដោះស្រាយភាពតានតឹងជាមួយនឹងកិច្ចសន្ទនានេះ»។
ហេតុការណ៍នេះ ទំនងជាជាបង្កើនភាពតានតឹងរវាងប្រទេសទាំងពីរ ដែលមានយ៉ាងធ្ងន់ធ្ងរលើប្រទេសស៊ីរី និងតួកគី ដែលបានបាញ់យន្ដហោះយោធារុស្ស៊ីមួយធ្លាក់ចុះ កាលពីខែមុន។
ចាប់តាំងពីលោកប្រធានាធិបតីរុស្ស៊ី លោក វ្ល៉ាឌីមៀរពូទីន បានហៅការបាញ់ទម្លាក់យន្តហោះថា៖ «ការឆ្លើយតបមកវិញដូចកាំបិតចាក់ពីក្រោយ» ដោយបានដាក់ទណ្ឌកម្មសេដ្ឋកិច្ចលើប្រទេសទួកគី ជាវិធានការក្នុងសកម្មភាពតបត។
កាលពីដើមខែនេះប្រទេសតួកគីបានប្តឹងទៅប្រទេសរុស្ស៊ីនៅលើឧប្បត្តិហេតុ ដែលជានាវិករុស្ស៊ីត្រូវបានលេចចេញជារូបភាពកាន់កម្មវិធីបើកដំណើរការគ្រាប់រ៉ុក្កែតមួយនៅលើនាវាជើងទឹកមួយដែលឆ្លងកាត់ទីក្រុងអ៊ីស្តង់ប៊ុលនោះ។
ប្រែសម្រួលដោយ៖ មឿន ឌីណា / ប្រភព៖ Channel NewsAsia
