WELLINGTON៖យោងតាមReuters គ្រូបង្រៀននូវែលសេឡង់ជិត ៥ម៉ឺននាក់ នាក់បានដើរចេញពីថ្នាក់រៀនកាលពីថ្ងៃព្រហស្បតិ៍ទី ១៦ ខែមីនា ២០២៣ ដោយទាមទារប្រាក់ឈ្នួល និងលក្ខខណ្ឌការងារកាន់តែប្រសើរឡើង។រាយការណ៍ដោយ…
ជាធម្មតាគ្រូបង្រៀននៅប្រទេសណូវែលហ្សេឡង់ជាមូលដ្ឋាននៃសំឡេងបោះឆ្នោតដ៏សំខាន់។ គ្រូបង្រៀនជាមន្ត្រីសាធារណៈចុងក្រោយគេដែលធ្វើកូដកម្មទាមទារប្រាក់ឈ្នួលបន្ថែម និងធនធានសម្រាប់សាលារបស់ពួកគេ។
ចាប់តាំងពីលោក Hipkins ត្រូវបានតែងតាំងជានាយករដ្ឋមន្រ្តីនៅក្នុងខែមករា បន្ទាប់ពី លោកស្រី Jacinda Ardern បានលាឈប់ រដ្ឋាភិបាលបាននិយាយថាខ្លួននឹងផ្តោតឡើងវិញលើបញ្ហាការកើនឡើងថ្លៃទំនិញ និងការជួយប្រជាជននូវែលសេឡង់ដែលជួបបញ្ហាទាំងនោះ។នេះគឺជាចំណាត់ការមួយដែលត្រូវបានគេមើលឃើញដោយអ្នកវិភាគនយោបាយថាជាការប៉ុនប៉ងដើម្បីឈ្នះការបោះឆ្នោតនៅខែតុលា។
រដ្ឋមន្ត្រីក្រសួងអប់រំលោកស្រី Jan Tinetti ជាអតីតគ្រូបង្រៀនបានប្រាប់សារព័ត៌មានរដ្ឋ 1News ថា “យើងដឹងថាវាជាពេលវេលាដ៏លំបាកមួយសម្រាប់គ្រូបង្រៀនក្នុងរយៈពេលប៉ុន្មានឆ្នាំចុងក្រោយនេះ ដូចដែលបញ្ហាធ្លាប់កើតមានដល់អ្នកគ្រប់គ្នា ប៉ុន្តែបេះដូងរបស់ខ្ញុំគឺនៅជាមួយពួកគេ” ។
លោក Mark Potter ប្រធានសហជីពគ្រូបង្រៀនបាននិយាយនៅក្នុងសេចក្តីថ្លែងការណ៍មួយថា នាពេលបច្ចុប្បន្នដ្ឋាភិបាលផ្តល់ជូនគ្រូបង្រៀន នាយកសាលា ឬកុមារមិនគ្រប់គ្រាន់នោះទេ។លោកបានបន្ថែមថា “ការធ្វើកូដកម្មគឺជាជម្រើសចុងក្រោយដែលយើងចង់ធ្វើ ប៉ុន្តែយើងចង់ផ្ញើសារទៅកាន់រដ្ឋាភិបាលថា យើងមានភាពធ្ងន់ធ្ងរ យើងចង់មានការផ្លាស់ប្តូរ”។
ប្រភព៖ Reuters ចុះថ្ងៃទី១៦ ខែមីនា ឆ្នាំ២០២៣
