ក្រសួងព្រះបរមរាជវាំង នៅថ្ងៃទី១៣ ខែ មីនា ឆ្នាំ២០២៣ បានចេញសេក្ដីប្រកាសព័ត៌មានថា ករណីឆាបឆេះព្រះរាជវាំងតូចនៅខេត្តសៀបរាប កាលពីយប់ថ្ងៃទី១២ ខែមីនា បណ្ដាលមកពីឆ្លងចរន្ដអគ្គិសនី(ទុស្សេខ្សែភ្លើង)។
ក្រសួងបានបង្ហាញការសោកស្ដាយយ៉ាងខ្លាំង ក្រោយមានហេតុការណ៍នេះកើតឡើង។ នេះបើយោងទៅតាមសេចក្ដីប្រកាសព័ត៌មាន។
សូមរម្លឹកថា កាលពីវេលាប្រហែលម៉ោង ២២យប់ ថ្ងៃទី១២ ខែមីនា មានករណីភ្លើងឆាបឆេះព្រះរាជវាំងតូចនៅក្បែរបូជនីយដ្ឋានព្រះអង្គចេកព្រះអង្គចម ដែលបានបង្កការភ្ញាក់ផ្អើលយ៉ាងខ្លាំងក្នុងបណ្ដាញសង្គម។
សារព័ត៌មានក្នុងស្រុក fresh news បានឱ្យដឹងថា កម្លាំងមន្ដ្រីនគរបាលពន្លត់ និងបង្កាអគ្គិសភ័យខេត្តសៀមរាបបានប្រើរថយន្ដពន្លត់ជិត១០គ្រឿងធ្វើអន្ដរាគម៕
