en     km
en     km

លោក ហង់ ជួនណារ៉ុន៖ ដើម្បីលើកកម្ពស់គុណភាពអប់រំ គឺត្រូវកែប្រែទម្លាប់

Share

លោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានឱ្យដឹងថា ដើម្បីលើកកម្ពស់​វិស័យ អប់រំ ដើម្បីលើកកម្ពស់គុណភាពអប់រំ គឺត្រូវកែប្រែទម្លាប់។ កែប្រែទម្លាប់នោះគឺ ឈប់គិតថា ការសិក្សាជាតួនាទីផ្ដាច់មុខរបស់សាលា និងទម្លាប់ជំរុញឱ្យមានបណ្ដាល័យនៅតាមផ្ទះ។ លោក ទទូចឱ្យ ឪពុកម្ដាយត្រូវប្រើពេលវេលានៅផ្ទះរបស់កូន ឱ្យផ្ដោតលើការសិក្សាបន្ថែម។ លោកលើកឡើងបែបនេះ​ ដោយយល់ថាពេលវេលាដែលសិស្សត្រូវរៀននៅសាលា គឺមានតែ៤ម៉ោងក្នុងមួយថ្ងៃ ហើយពេលវេលាដែលសេសសល់ គឺនៅផ្ទះ ដែលត្រូវការឪពុកម្ដាយជួយបង្ហាត់បង្រៀន ណែនាំបន្ថែម និងត្រួតពិនិត្យការរៀនសូត្ររបស់កូនៗ។ លោកលើកឡើងបែបនេះ ក្នុងសន្និសីទសារព័ត៌មាន ស្ដីពីទិវាជាតិអំណានលើកទី០៨ ១១ មីនា ដែលធ្វើឡើងនៅទីស្ដីការក្រសួងអប់រំ នៅរសៀលថ្ងៃទី០៦ ខែកុម្ភៈនេះ។

 

ទន្ទឹមនឹងការជំរុញឱ្យសិស្សរៀននៅផ្ទះបន្ថែម លោករដ្ឋមន្ត្រីអប់រំ បានអំពាវនាវឱ្យអាណាព្យាបាលបង្កើតបណ្ដាល័យនៅតាមផ្ទះសម្រាប់ឱ្យកូនៗអាចសៀវភៅផងដែរ ដើម្បីបណ្ដុះវប្បធម៌នៃការអាច ដែលជាជំហ៊ាន ឆ្ពោះកាន់ការអភិវឌ្ឍវិស័យអប់រំ។ ទោះយ៉ាងណាលោក លើកទឹកចិត្តដល់ សិស្សានុសិស្ស គួរអានសៀវភៅទៅតាមកម្រិតរបស់ខ្លួន ដូច្នេះឪពុកម្ដាយគួរទិញសៀវភៅ ទៅតាមកម្រិតសិក្សារបស់កូនៗ ។ ត្បិតការអានទៅតាមកម្រិតរបស់ខ្លួន ធ្វើឱ្យក្មេងៗចូលចិត្តអាន មិនធុញទ្រាន់។ សូមស្ដាប់ការលើកឡើងរបស់លោក ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា៖

 

Share

Image
Image
Image