យុវជនខ្មែរនៅពេលបច្ចុប្បន្ននេះ មានការផ្លាស់ប្ដូរច្រើន ទាក់ទងនិងទិវាក្ដីស្រលាញ់ ដោយគិតថាទិវានេះជាការបង្ហាញនូវសេចក្ដីស្រលាញ់ ចំពោះគ្នា មានកូន ទៅឪពុកម្ដាយ មានមិត្តិភក្ដិ និងមនុស្សនានាជុំវិញខ្លួន ដែលកាលពីមុន ថ្ងៃ១៤ កុម្ភៈ យុវជនយល់ច្រលំថា ថ្ងៃបុណ្យសង្សារ។ យ៉ាងណាការផ្លាស់ប្ដូរនេះ ក៏មានយុវជនមួយចំនួនតូចទៀត ដែលនៅមានការយល់ដឹងតិចតួចអំពីទិវារបស់ប្រទេសប៉ែកអឺរ៉ុបនេះ ជាហេតុនាំឱ្យរដ្ឋាភិបាល ពិសេសក្រសួងអប់រំបានដាក់វិធានការនានា ដើម្បីទប់ស្កាត់។ តទៅនេះលោក ឡាក់ ច័ន្ទតារា នឹងលើកយកបទយកការណ៍អំពីការផ្លាស់ប្ដូរទស្សនរបស់យុវជនក្នុងទិវាក្ដីស្រលាញ់នេះ ជូននាង កញ្ញា លោក លោកស្រី សា្ដប់ដូចតទៅ៖
