ភ្នំពេញ៖ កម្ពុជាបានកំណត់យកថ្ងៃអាទិត្យ ទី២៧ ខែកក្កដា ឆ្នាំ២០២៣ សម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៧។ ដើម្បីការបោះឆ្នោតទទួលបានភាពសុក្រិត្រ គណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាស ឱ្យអ្នកសង្កេតការណ៍ជាតិ និងអន្តរជាតិ ត្រៀមខ្លួនដាក់ពាក្យ ចុះឈ្មោះសម្រាប់សង្កេតមើលការបោះឆ្នោតថ្នាក់ជាតិ ដែលការទទួលពាក្យនឹងចាប់ផ្ដើមពីថ្ងៃទី០១ ខែមេសា ហើយបញ្ចប់នៅថ្ងៃទី១២ ខែកក្កដា ឆ្នាំ២០២៣។ ក្នុងបទសម្ភាសជាមួយវិទ្យុស្ត្រី លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត បានបង្ហាញពីការប្ដេជ្ញាចិត្តរបស់ស្ថាប័ន គ ជ ប ក្នុងការបោះឆ្នោតថ្នាក់ជាតិខាងមុខនេះ ដើម្បីទទួលបានភាពសេរី ត្រឹមត្រូវ និងយុត្តិធម៌។ មួយវិញទៀត គ.ជ.ប ក៏បានទទួលនូវសំណើពីអង្គការសង្គមស៊ីវិល ប៉ុន្តែសំណើមួយចំនួន ក៏ត្រូវ គ.ជ.ប បដិសេដ ដោយចាត់ទុកថា ធ្វើឡើងក្នុងហេតុផលនយោបាយ ជាជាងបច្ចេកទេស។
ដើម្បីលម្អិត សូមនាងកញ្ញា លោក លោកស្រី ស្ដាប់នូវបទសម្ភាសរវាងលោក គីម ចាន់ចាវ ជាមួយលោក ហង្ស ពុទ្ធា មន្ត្រីនាំពាក្យគណៈកម្មាធិការជាតិរៀបចំការបោះឆ្នោត ដោយមេត្រ!