en     km
en     km

លោក ហ៊ុន ម៉ានី ចាត់ទុកសារលោក សម រង្ស៊ី ករណីលាតត្រដាងរឿងអាស្រូវម្ដាយមីងថាជាការកេងចំណេញនយោបាយ

Share

លោក ហ៊ុន ម៉ានី កូនប្រុសសម្ដេច ហ៊ុន សែន នាយករដ្ឋមន្ដ្រីកកម្ពុជានៅថ្ងៃទី០៩ ខែកុម្ភៈ ម្សិលមិញ ចាត់ទុកសារពីលោក សម រង្ស៊ី ដែលវាយប្រហារគ្រួសាររបស់លោកអំឡុងពេលរៀបចំពិធីបុណ្យសពលោកស្រី ប៊ុន សុថា ត្រូវជាម្ដាយមីងរបស់លោកជាការប្រមាថ និងយកចំណេញនយោបាយ។


លោក ហ៊ុន ម៉ានី បានបង្ហាញអារម្មណ៍លើហ្វេសប៊ុកលោកថា ពេលគ្រួសារគេមានទុក្ខ លោកតំណាងឱ្យក្រុមគ្រួសារ ចូលរួមគោរពវិញ្ញាណក្ខន្ធ និងរំលែកទុក្ខ តែពេលក្រុមគ្រួសារលោកមានទុក្ខ គេប្រមាថ និងយកចំណេញនយោបាយ។ ការថ្លែងរបស់លោក ហ៊ុន ម៉ានី បានភ្ជាប់ជាមួយរូបថតចូលរួមពិធីបុណ្យសពម្ដាយរបស់លោកស្រី ជូឡុង ស៊ូម៉រ៉ា សមាជិកសភាមកពីអតីតគណបក្សសង្រ្គោះជាតិ និងជាភរិយាលោក សម រង្ស៊ី កាលពីឆ្នាំ២០១៦។


លោកបន្ដថា វប្បធម៌ សីលធម៌ សាសនា និងទំនៀមទម្លាប់ប្រពៃណី ជាអ្វីដែលក្រុមគ្រួសារលោកប្រកាន់ខ្ជាប់។ លោកសង្កត់ធ្ងន់ថា មិនមែនអ្វីៗសុទ្ធតែនយោបាយនោះទេ។

សូមជម្រាបថា កាលពីថ្ងៃបុណ្យសពលោកស្រី ប៊ុន សុថា លោក សម រង្ស៊ី បានបង្ហោះសារលាតត្រដាងរឿងមួយ ដោយលោកចាត់ទុកថាជារឿងអាស្រូវក្នុងគ្រួសារនាយករដ្ឋមន្ដ្រីកម្ពុជា។ លោកស្ដែងឱ្យឃើញថា លោកស្រី ប៊ុន សុថា ជាអ្នកបញ្ជាឱ្យគេសម្លាប់ប្តីខ្លួនឯង គឺលោក កូវ សាមុត កាលពីឆ្នាំ ១៩៩៦ ដោយភ្លើងប្រចណ្ឌ៕

Share

Image
Image
Image