en     km
en     km

កីឡាការិនីពូកែថ្វីដៃ ស្រួង ភាវី ដណ្ដើមបានពានរង្វាន់ប៊ីយ៉ែការ៉ុមឆ្នាំ២០២៣

Share

កីឡាការិនីកម្រិតពិភពលោកផ្នែកកីឡា ប៊ីយ៉ែការ៉ុម និងស្នូកឃ័រកម្ពុជា ស្រួង ភាវី បានទទួលជោគជ័យថ្មីមួយទៀតលើឆាកអន្ដរជាតិសារថ្មី ក្រោយឈ្នះការប្រកួត Crown Haitai Championship PBA-LPBA 2023 នៅថ្ងៃទី៧ ខែកុម្ភៈ ឆ្នាំ២០២៣ បន្ទាប់ពីយកឈ្នះកីឡាការិនី ជប៉ុន បូមី គីម។


ថ្លែងតាមរយៈហ្វេសប៊ុកផ្ទាល់ខ្លួននៅថ្ងៃនេះ កីឡាការិនីពូកែថ្វីដៃ ស្រួង ភាវី បានបង្ហាញពីជ័យជម្នះរបស់ខ្លួនថា ក្ដីសុបិនរបស់អ្នកស្រីគឺនាំយកទង់ជាតិនៃប្រទេសកម្ពុជា ដោតនៅចំចំណុចកំពូលក្នុងបណ្ដាទង់ជាតិប្រទេសដទៃទៀត ដែលពេលនេះអ្នកស្រីបានសម្រេចក្តីបំណងម្ដងទៀតហើយ។


អ្នកស្រីបាននិយាយថា អ្នកស្រីបានបូជាកម្លាំងកាយចិត្ត ដើម្បីមោទកភាពជាតិ ដោយដាក់គោលដៅឱ្យខ្ពស់ រស់ក្នុងក្ដីសង្ឃឹម ញញឹមជាមួយឧបសគ្គគឺជាខ្មែរ។
ជុំវិញរឿងនេះ សហពន្ធកីឡាប៊ីយ៉ែកម្ពុជា បានសាទរជាមួយសមិទ្ធផលថ្មីរបស់កីឡាការិនីសញ្ជាតិកម្ពុជារូបនេះ។


ទោះបីអ្នកស្រីធ្លាប់បានឈ្នះការប្រកួតនានា នាពេលកន្លងមក តែអ្នកស្រីបានបង្ហើបឱ្យដឹងថា អ្នកស្រីត្រូវតែធ្វើឱ្យបាននូវគម្រោងធំៗមួយចំនួនទៅថ្ងៃអនាគតមាន ដូចជា កសាងមជ្ឈមណ្ឌលទូលំទូលាយផ្នែកកីឡា សាលាពហុបច្ចេកទេស មន្ទីរពេទ្យតាមជនបទដាច់ស្រយាល និងអង្គការមនុស្សធម៌ដ៏ធំនៅក្នុងប្រទេសកម្ពុជាផងដែរ៕

Share

Image
Image
Image