en     km
en     km

យ៉ាងហោច 3,700 នាក់បានស្លាប់ដោយគ្រោះរញ្ជួយដីដ៏ធំនៅប្រទេសទួរគី និងស៊ីរី

Share

 

KAHRAMANMARAS, យោងតាមរ៉យទ័រ គិតត្រឹមថ្ងៃទី ៧ ខែកុម្ភៈ នេះ ការរញ្ជួយដីកាលពីថ្ងៃចន្ទទី៦ កុម្ភៈ ២០២៣ បានសម្លាប់មនុស្សជាង 3,700 នាក់ និងរាប់ពាន់នាក់ទៀតរងរបួស និងគ្មានផ្ទះសម្បែងនៅប្រទេសទួរគី និងភាគពាយព្យនៃប្រទេសស៊ីរី។ក្រុមអ្នកជួយសង្គ្រោះកំពុងតស៊ូជាមួយនឹងអាកាសធាតុត្រជាក់ខ្លាំង និងមានភ្លៀងធ្លាក់ខ្លាំងផងដែរ។

ការរញ្ជួយដីកម្រិត 7.8 រ៉ិចទ័របានធ្វើឱ្យបាក់អគារ ផ្ទះល្វែងនៅក្នុងទីក្រុងទួរគី និងបានបំផ្លិចបំផ្លាញជំរកប្រជាជនស៊ីរីរាប់លាននាក់ដែលបានផ្លាស់ទីលំនៅដោយសារសង្រ្គាម។គ្រោះរញ្ជួយដីបានវាយប្រហារពេលព្រឹកព្រលឹមនៅពេលអាកាសធាតុដ៏អាក្រក់។

 

នៅទីក្រុង Diyarbakir ភាគអាគ្នេយ៍នៃប្រទេសទួរគី ស្ត្រីម្នាក់​ របួស​បាក់​ដៃ និង​របួស​មុខនៅក្បែរគំនរបាក់បែកនៃអគារ 7 ជាន់ដែលនាងរស់នៅបាននិយាយថា “យើងញ័រដូចយោលទោង។ ពួកយើងប្រាំបួននាក់នៅក្នុងផ្ទះ។ កូនប្រុសពីរនាក់របស់ខ្ញុំស្ថិតក្នុងគំនរបាក់បែកនៅឡើយ។ ខ្ញុំ​កំពុង​រង់ចាំ​ពួកគេ»។

 

លោក Abdul Salam al-Mahmoud ជនជាតិស៊ីរីនៅទីក្រុង Atareb ភាគខាងជើងបាននិយាយថា “វាដូចជាអាប់អួណាស់។ «វា​ត្រជាក់​ ​​ភ្លៀង​ធ្លាក់​ខ្លាំង ហើយ​ប្រជាជន​ត្រូវ​ការ​ការ​សង្គ្រោះបន្ទាន់» ។ នៅក្នុងប្រទេសទួរគី យ៉ាងហោចណាស់មានអ្នកស្លាប់ 2,316 នាក់។ អាជ្ញាធរគ្រប់គ្រងគ្រោះមហន្តរាយ និងគ្រាអាសន្ន (AFAD) បាននិយាយថា ជាការរញ្ជួយដីដ៏សាហាវបំផុតរបស់ប្រទេសចាប់តាំងពីការរញ្ជួយកម្រិតស្រដៀងគ្នាក្នុងឆ្នាំ 1999 បានបំផ្លិចបំផ្លាញតំបន់សមុទ្រ Marmara ភាគខាងកើតនៅជិតទីក្រុងអ៊ីស្តង់

ប៊ុល ដោយបានសម្លាប់មនុស្សជាង 17,000 នាក់។ .

 

យ៉ាងហោចណាស់មនុស្ស 1,444 នាក់បានស្លាប់នៅក្នុងប្រទេសស៊ីរីនៅក្នុងការរញ្ជួយដីកាលពីថ្ងៃចន្ទ និងប្រហែល 3,500 នាក់បានរងរបួស នេះបើយោងតាមតួលេខពីរដ្ឋាភិបាលក្រុងដាម៉ាស និងក្រុមអ្នកជួយ

សង្គ្រោះនៅតំបន់ភាគពាយព្យដែលគ្រប់គ្រងដោយពួកបះបោរ។សេវ៉ាអ៊ីធឺណិតមិនល្អ សីតុណ្ហភាពធ្លាក់ចុះខ្លាំងនៅតំបន់ខ្លះ និងផ្លូវខូចខាតនៅភាគខាងត្បូងនៃប្រទេសទួរគី បានរារាំងដល់កិច្ចខិតខំប្រឹងប្រែងការជួយសង្គ្រោះ។មនុស្សជាង 13,000 នាក់បានរងរបួសនៅក្នុងប្រទេសទួរគីពីគ្រោះរញ្ជួយដីនេះ។

 

អ្នកស្រី Tulin អាយុ 30 ឆ្នាំឈរនៅខាងក្រៅមន្ទីរពេទ្យដោយជូតទឹកភ្នែកបាននិយាយថា “យើងមានអ្នកជំងឺម្នាក់ត្រូវបានពេទ្យយកទៅវះកាត់ប៉ុន្តែយើងមិនដឹងថាយ៉ាងណាហើយទេ” ។ប្រធានាធិបតីទួរគី លោក Tayyip Erdogan ដែលកំពុងរៀបចំការបោះឆ្នោតដ៏ស្វិតស្វាញក្នុងខែឧសភា បានហៅការរញ្ជួយដីនេះថាជាគ្រោះមហន្តរាយជាប្រវត្តិសាស្ត្រដ៏អាក្រក់បំផុតដែលបានវាយប្រហារប្រទេសចាប់តាំងពីឆ្នាំ 1939 ប៉ុន្តែបាននិយាយថា អាជ្ញាធរកំពុងធ្វើអស់ពីសមត្ថភាពរបស់ពួកគេ។លោក​បាន​បន្ត​ថា​៖ «​អ្នក​រាល់​គ្នា​ដាក់​ចិត្ត​ដាក់កាយ​ក្នុង​ការ​ខិត​ខំជួយសង្គ្រោះ​ទោះ​បី​រដូវ​រងា​ត្រជាក់ខ្លាំង និង​ការ​រញ្ជួយ​ដី​ដែល​កើត​ឡើង​ក្នុង​ពេល​យប់​ធ្វើ​ឱ្យ​មាន​ការ​លំបាក​យ៉ាងណា​​ក៏​ដោយ»។

អង្គការសហប្រជាជាតិនិយាយថា មនុស្ស 4.1 លាននាក់ ដែលភាគច្រើនត្រូវបានផ្លាស់ទីលំនៅដោយសារសង្គ្រាម និងរស់នៅក្នុងជំរុំ ពឹងផ្អែកលើជំនួយមនុស្សធម៌នៅភាគពាយព្យនៃប្រទេសស៊ីរី។អ្នកនាំពាក្យអង្គការសហប្រជាជាតិ Stephane Dujarric បានប្រាប់អ្នកយកព័ត៌មាននៅទីក្រុងញូវយ៉កថា “សហគមន៍ស៊ីរីកំពុងរងការវាយប្រហារដំណាលគ្នាដោយការផ្ទុះជំងឺអាសន្នរោគនិងរដូវរងាដ៏អាក្រក់ រួមទាំងភ្លៀងធ្លាក់ខ្លាំង និងព្រិលនៅចុងសប្តាហ៍” ។

ប្រភព៖ Reuters ថ្ងៃទី 7 ខែកុម្ភៈ ឆ្នាំ 2023

Share

ព័ត៌មានទាក់ទង

Image