ម៉ានីល៖ យោងតាមរ៉យទ័រ កងទ័ពអាកាសបាននិយាយថា អ្នកបើកយន្តហោះយោធាហ្វីលីពីនពីរនាក់បានស្លាប់នៅពេលយន្តហោះរបស់ពួកគេបានធ្លាក់ក្នុងអំឡុងពេលហោះហើរហ្វឹកហាត់កាលពីថ្ងៃពុធ ថ្ងៃទី២៥ មករា ២០២៣។
កងទ័ពអាកាសហ្វីលីពីនបាននិយាយថា យន្តហោះ SF-260 TP Marchetti បានធ្លាក់ក្នុងវាលស្រែមួយក្នុងខេត្ត Bataan ភាគខាងលិចនៃរដ្ឋធានីម៉ានីល បន្ទាប់ពីការហោះហើរបាន40នាទី។ការស៊ើបអង្កេតពី មូលហេតុនៃឧបទ្ទវហេតុនេះកំពុងដំណើរ។
ប្រភពដដែលបានឱ្យដឹងថា អង្គភាពបានផ្អាកជាបណ្ដោះអាសន្ននូវយន្តហោះហ្វឹកហ្វឺន SF-260 TP។
យន្តហោះនេះបានប្រើក្នុងប្រទេសហ្វីលីពីនតាំងពីទសវត្សរ៍ឆ្នាំ 1970 ជាយន្តហោះប្រយុទ្ធវាយប្រហារស្រាលផងដែរ នៅទីក្រុង Marawi ភាគខាងត្បូង បន្ទាប់ពីពួកសកម្មប្រយុទ្ធដែលស្មោះត្រង់នឹងរដ្ឋអ៊ីស្លាម បានកាន់កាប់ក្នុងឆ្នាំ 2017។
ប្រទេសហ្វីលីពីនកំពុងដំណើរការធ្វើទំនើបកម្មឱ្យប្រសើរឡើងពាក់ព័ន្ធនឹងយន្តហោះរបស់ខ្លួន ដែលភាគច្រើនមានអាយុកាលចាស់តាំងពីសម័យសង្រ្គាមវៀតណាម។នៅឆ្នាំ 2021 យន្តហោះយោធាដែលដឹកទាហាន 96 នាក់សម្រាប់ប្រតិបត្តិការប្រឆាំងការបះបោរបានធ្លាក់ ដោយបានសម្លាប់មនុស្ស 53 នាក់នៅក្នុងឧបទ្ទវហេតុយោធាដ៏អាក្រក់បំផុតរបស់ខ្លួនក្នុងរយៈពេលជិត 3 ទសវត្សរ៍។
ប្រភព៖ Reuters ចុះថ្ងៃទី២៦ ខែមករា ឆ្នាំ២០២៣