សហភាពចលនាកម្មករកម្ពុជានឹងជួបជុំគ្នាបង្ហាញក្តីកង្វល់របស់ខ្លួន នាឱកាសខួបលើកទី៦៧ នៃទិវាសិទ្ធមនុស្សអន្តរជាតិ ១០ធ្នូ ព្រឹងថ្ងៃទី ១០ ខែ ធ្នូ ឆ្នាំ ២០១៥ស្អែកនេះ។
បើយោងតាមសេចក្តីជូនដំណឹងចេញនៅថ្ងៃទី ០៩ ខែធ្នូ ឆ្នាំ ២០១៥នេះ សហភាពចលនាកម្មករកម្ពុជា នឹងជួបជុំគ្នាបង្ហាញក្តីកង្វល់ ចំពោះការរើសអើងសិទ្ធិសេរីភាពសហជីព និងដាក់ញត្តិទៅក្រសួងការងារ និងបណ្តុះបណ្តាលវិជ្ជាជីវៈ ដើម្បីដោះស្រាយសំណើររបស់ខ្លួនមួយចំនួន។
បើតាមសេចក្តីជូនដំណឹងដដែលបានបញ្ជាក់ថា ការជួបជុំរបស់សហភាពចលនាកម្មករកម្ពុជានេះ នឹងមានសកម្មជនសហជីពតាមបណ្តារោងចក្រនានាចូលរួមប្រមាណ ៥០០នាក់ ដែលការជួបជុំនេះប្រព្រឹត្តទៅនៅការិយាល័យកណ្តាលសហភាពចលនាកម្មករកម្ពុជា ដែលមានទីតាំងនៅក្នុងបុរីញូវថោន ភូមិព្រៃទា សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ៕
