loader

ក្រសួងការពារជាតិចេញមុខប្រឆាំងដាច់អង្ការចំពោះជនបំផ្លាញកិត្តិយសកងយោពលខេមរភូមិន្ទ

ក្រសួងការពារជាតិបានចេញមុខប្រឆាំងដាច់ អង្ការចំពោះជនណាដែលព្យាយាម ធ្វើឱ្យប៉ះពាល់ដល់កិត្តិយស និងសេចក្តីថ្លៃថ្នូររបស់កងយោធពលខេមរភូមិន្ទ និងប្តេជ្ញាការពាររដ្ឋធម្មនុញ្ញ ការពាររាជរដ្ឋាភិបាលស្របច្បាប់ និងសុខសន្តិភាពប្រទេសកម្ពុជា ដោយមិនឱ្យជនណាមួយមករំលោភបំពានបានឡើយ។

សេចក្ដីថ្លែងការណ៍នេះ ធ្វើឡើងក្រោយមានការបង្ហោះជេរប្រមាថថ្នាក់ដឹកនាំអង្គមេបញ្ជាការរង និងមេបញ្ជាការកងទ័ពជើងគោក លោក ហ៊ុន ម៉ាណែត តាមបណ្ដាញសង្គមហ្វេសប៊ុក។ បើតាមក្រសួងការពារជាតិដដែល  ថា បុគ្គលដែលបានជេរលោក ហ៊ុន ម៉ាណែត មានឈ្មោះថា ឡុង សុគន្ធារៈ បានក្លែងបន្លំឯកសណ្ឋានយោធា និងឋានន្តរស័ក្តិនាយទាហានជាន់ខ្ពស់កម្ពុជា។

ជាមួយគ្នានេះ​ អ្នកនាំពាក្យក្រសួងការពារជាតិក៏បានអំពាវនាវដល់សាធារណជនកុំបន្ដចែករំលែក នូវវីដេអូរបស់បុគ្គល ឡុង គន្ធារៈ និងអំពាវនាវឱ្យសមត្ថកិច្ចចេញវិធានការដើម្បីផ្ដន្ទាទោសជននេះតាមផ្លូវច្បាប់។

សូមជម្រាបថា តាមរយៈវីដេអូ លោក ឡុង សុគន្ធារៈ បានវាយប្រហារលើលោកហ៊ុន ហ៊ុន ម៉ាណែតថា ទោះបីលោកបានបញ្ចប់សញ្ញាប័ត្រមកពីសាលា West point  សហរដ្ឋអាមរិក និងសញ្ញាប័ត្រពីចក្រភពអង់គ្លេសក៏ពិតមែន ប៉ុន្តែលោក ហ៊ុន ម៉ាណែត មិនបានឋានៈតួនាទី និងអំណាចតាមរយៈសមត្ថភាពខ្លួនឯងឡើយ គឺបានមកពីឪពុកដែលជានាយករដ្ឋមន្ដ្រីសព្វថ្ងៃប៉ុណ្ណោះ។

ក្រៅពីក្រសួងការពារជាតិ, អគ្គបញ្ជាការដ្ឋាននៃកងយោពលខេមរភូមិន្ទក៏បានចេញញត្តិថ្កោលទោសដូចគ្នា ដោយចាត់ទុកបុគ្គល ឡុង សុគន្ធារៈ ជាបុគ្គលពាល គ្រងឯកសណ្ឋានដោយខុសច្បាប់ បង្កអសន្ដិសុខជាតិ និងប៉ះពាល់កិត្តិយសកងទ័ព មិនអាចលើកលែងទោសឱ្យបាន។ អគ្គបញ្ជាការដ្ឋានអះអាងថានឹងប្ដឹងទៅតុលាការដើម្បីផ្ដន្ទាទោសជននេះ តាមច្បាប់ជាធរមាន។

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ករណីឱ្យសមាគមគ្រូបង្រៀនអាចដង្ហែធម្មយាត្រានិងការតម្រូវឱ្យផ្ញើរបាយការណ៍សកម្មភាពការងារនិងហិរញ្ញវត្ថុជារឿងពីរផ្សេងគ្នា

លោកនាយឧត្តមសេនីយ៍ ខៀវ សុភ័ក្រ អ្នកនាំពាក្យក្រ[...]

អង្គការចំនួនពីរសហការផ្តល់ការអប់រំឡើងវិញដល់កុមារបឋមសិក្សា៦៣៨សាលាក្នុងខេត្តចំនួន១០

ភ្នំពេញ៖ អង្គការ អេដ អេ អាកស្យុង និង អង្គការ [...]

មន្ដ្រីនគរបាលម្នាក់ត្រូវបានបន្ថយសក្ដិក្រោយឃាត់ស្ដ្រីបើកបរមិនពាក់ខ្សែក្រវ៉ាត់នៅក្រៅម៉ោងធ្វើការ

នៅថ្ងៃទី២៦ ខែ មករា ឆ្នាំ២០២៣នេះ ក្រុមការងារព័[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x