loader

WMC បើកវគ្គបណ្តុះបណ្តាលស្តីពីអក្ខរកម្មប្រព័ន្ធផ្សព្វផ្សាយដល់សមាគមជនមានពិការភាព

ភ្នំពេញ៖ នៅថ្ងៃទី១២ និងទី១៣ខែមករាឆ្នាំ២០២៣នេះ អង្គការមណ្ឌលព័ត៌មានស្រ្តីកម្ពុជា(WMC)បានបើកវគ្គបណ្តុះបណ្តាលស្តីពីអក្ខរកម្មប្រព័ន្ធផ្សព្វផ្សាយដល់ជនមានពិការភាពចំនួនប្រមាណ៣០នាក់(ស្រី១០នាក់) នៅមជ្ឈមណ្ឌលបណ្តុះបណ្តាលវិជ្ជាជីវៈជនពិការភ្នែកនិងសមាគមតន្ត្រីសំនៀងជនពិការ ស្ថិតនៅសង្កាត់គោករកា ខណ្ឌព្រែកព្នៅ រាជធានីភ្នំពេញ។

ក្រុមគ្រូបង្គោលនៃWMCបានមកបណ្តុះបណ្តាលសិក្ខាកាមជាជនមានពិការភាពនៅសមាគមតន្ត្រីសំនៀងជនពិការ។

 

ក្នុងវគ្គបណ្តុះបណ្តាលនេះ ក្រុមគ្រូបង្គោលនៃ WMC បានចែករំលែកចំណេះដឹងស្តីពីប្រភេទនៃប្រព័ន្ធផ្សព្វផ្សាយ​ ការគិតបែបស៊ីជម្រៅ ការផ្ទៀងផ្ទាត់ព័ត៌មានពិតនិងក្លែងក្លាយ និងការឆ្លើយតបទៅនឹងព័ត៌មានមិនពិត។

ក្នុងការបង្រៀននេះ សិក្ខាកាមដែលបានចូលរួមបានចូលរួមឆ្លើយសំណួរ និងពិភាក្សាក្រុមយ៉ាងសកម្ម ពិសេសបានលើកឡើងនូវចម្ងល់ជាច្រើនទាក់ទងនឹងព័ត៌មានដែលសង្ស័យថាមិនពិត ហើយតែងជួបប្រទះកន្លងមកលើបណ្តាញសង្គម។ ជាងនេះសិក្ខាកាម បានចែករំលែកពិសោធន៍ដែលមានជនខិលខូចធ្លាប់ឆបោកតាមហ្វេសប៊ុកមកបង្ហាញក្នុងកម្មវិធីផងដែរ។

សកម្មភាពបណ្តុះបណ្តាលរបស់គ្រូបង្គោលនៃWMC។

 

លោក ម៉ាណាត់ សិក្ខាកាមមួយរូបដែលបានចូលរួមកម្មវិធីនេះបានសម្តែងក្តីរីករាយដែលបានទទួលចំណេះដឹងផ្នែកប្រព័ន្ធផ្សព្វផ្សាយនេះ។ លោកថា កន្លងមកលោកតែងចែករំលែកព័ត៌មានដោយមិនបានដឹងថា ជាព័ត៌មានពិតឬក្លែងក្លាយនោះទេ។ លោក ម៉ាណាត់ សន្យាថានឹងជួយចែករំលែកចំណេះដឹងនេះដល់មិត្តភក្តិ បងប្អូន និងអ្នកជិតខាងក្នុងសហគមន៍ដើម្បីឱ្យពួកគេបានយល់ដឹងពីចំណេះដឹងប្រព័ន្ធផ្សព្វផ្សាយ ពិសេសចេះយល់ដឹងពីព័ត៌មានពិតនិងក្លែងក្លាយ។

លោក ម៉ាណាត់ ចូលរួមលើកបទពិសោធន៍ដែលបានជួបបង្ហាញក្នុងវគ្គបណ្តុះបណ្តាល។

 

ដោយឡែកសិក្ខាកាមផ្សេងៗទៀតបានលើកឡើងប្រហាក់ប្រហែលគ្នាថា បន្ទាប់ពីបានសិក្សាយល់ដឹងពីព័ត៌មានពិតនិងក្លែងក្លាយនេះ ហើយពួកគេនឹងមិនចែករំលែកព័ត៌មានដែលសង្ស័យថាមិនពិត ដោយត្រូវផ្ទៀងផ្ទាត់ប្រភពឱ្យបានច្បាស់លាស់។

សូមជម្រាបថា វគ្គបណ្តុះបណ្តាលស្តីពីអក្ខរកម្មប្រព័ន្ធនេះ អង្គការមណ្ឌលព័ត៌មានស្ត្រីកម្ពុជា(WMC)និងបើកវគ្គបណ្តុះបណ្តាលចំនួន ៨លើក លើក្រុមគោលដៅចំនួនផ្សេងៗគ្នាក្នុងនោះមាន ក្រុមជនមានពិការភាព ក្រុមLGBTQI ក្រុមយុវជន ក្រុមស្រ្តី ក្រុមជនជាតិដើមភាគតិច ក្រុមចំណាក់ស្រុក ក្រុមសាសនា និងក្រុមមនុស្សចាស់ ដោយក្នុងមួយវគ្គបណ្តុះបណ្តាលមានសិក្ខាកាមចំនួនប្រមាណ៣០នាក់ចូលរួម៕

កម្រងរូបភាពនៃសកម្មភាពក្នុងវគ្គបណ្តុះបណ្តាល៖

1.5 2 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ករណីឱ្យសមាគមគ្រូបង្រៀនអាចដង្ហែធម្មយាត្រានិងការតម្រូវឱ្យផ្ញើរបាយការណ៍សកម្មភាពការងារនិងហិរញ្ញវត្ថុជារឿងពីរផ្សេងគ្នា

លោកនាយឧត្តមសេនីយ៍ ខៀវ សុភ័ក្រ អ្នកនាំពាក្យក្រ[...]

អង្គការចំនួនពីរសហការផ្តល់ការអប់រំឡើងវិញដល់កុមារបឋមសិក្សា៦៣៨សាលាក្នុងខេត្តចំនួន១០

ភ្នំពេញ៖ អង្គការ អេដ អេ អាកស្យុង និង អង្គការ [...]

មន្ដ្រីនគរបាលម្នាក់ត្រូវបានបន្ថយសក្ដិក្រោយឃាត់ស្ដ្រីបើកបរមិនពាក់ខ្សែក្រវ៉ាត់នៅក្រៅម៉ោងធ្វើការ

នៅថ្ងៃទី២៦ ខែ មករា ឆ្នាំ២០២៣នេះ ក្រុមការងារព័[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x