សហរដ្ឋអាមេរិក៖ កាលពីថ្ងៃចន្ទ បេក្ខភាពប្រធានាធិបតីជួរមុខមកពីគណបក្សសាធារណរដ្ឋរបស់សហរដ្ឋអាមេរិក
លោក ដូណាល ត្រាំ (Donald Trump) បានសុំឱ្យមានការរារាំងមិនឲ្យជនមូស្លីមចូលមកកាន់សហរដ្ឋអាមេរិក។
បើយោងតាមសេចក្ដីប្រកាសព័ត៌មានបានឱ្យដឹងថា៖ «លោក Donald J. Trump គឺកំពុងអំពាវនាវឱ្យមានការបញ្ឈប់ទាំងស្រុងនូវការចូលមករបស់ជនមូស្លីមមកកាន់សហរដ្ឋអាមេរិក រហូតដល់អ្នកតំណាងរបស់ប្រទេសនេះ អាចរកឃើញថាវាកំពុងតែមានរឿងអ្វីកើតឡើងសិន»។
លោក Trump ដែលពីមុនមកបានសុំឱ្យមានការឃ្លាំមើល ប្រឆាំងនឹងវិហារអ៊ីស្លាម ហើយបាននិយាយថា គាត់បានបើកឱ្យមានការបង្កើតប្រព័ន្ធទិន្នន័យសម្រាប់ជនមូស្លីមដែលកំពុងរស់នៅសហរដ្ឋអាមេរិក ហើយឱ្យមានការអំពាវនាវដ៏ចម្រូងចម្រាសចុងក្រោយរបស់គាត់នៅក្នុងសេចក្ដីប្រកាសព័ត៌មាន។ សាររបស់គាត់បានមកដល់ចំពេលដែលគេរំឭកពីការបាញ់សម្លាប់យ៉ាងធ្ងន់ធ្ងរមូយនៅ San Bernardino រដ្ឋ Calofornia ដោយជនសង្ស័យដែលគាំទ្រដល់ពួក ISIS និងនៅមួយថ្ងៃបន្ទាប់ពីប្រធានាធិបតី បារ៉ាក់ អូបាម៉ា ស្នើសុំឱ្យប្រទេសនេះ កុំប្រឆាំងនឹងក្រុមដទៃទៀត ចំពោះការភ័យខ្លាច។
មតិយោបល់របស់លោក Trump គឺទំនងអាចជាការប្រកួតប្រជែងរបស់បេក្ខភាពប្រធានាធិបតីមកពីគណបក្សសាធារណរដ្ឋ ដែលបង្ខំអ្នកប្រឆាំងរបស់លោកឱ្យតែងតាំង និងដើម្បីការជជែកពិភាក្សាថាតើវាគួរតែមានការធ្វើតេស្តពីសាសនាក្នុងការចូលទៅកាន់សហរដ្ឋអាមេរិកឬទេ។
ប៉ុន្តែសំណើរបស់គាត់ ក៏ត្រូវនឹងអ្វីដែលអ្នកគាំទ្ររបស់គាត់ជាច្រើនអ្នកចង់បាន ដែលបានបង្ហាញពីការយល់ស្របតាមរយៈបណ្ដាញទំនាក់ទំនងសង្គម ក៏ដូចជានៅឯការប្រមូលផ្ដុំរបស់គាត់កាលពីយប់ថ្ងៃចន្ទដែរ៕
ប្រែសម្រួលដោយ៖ សេង វិបុល / ប្រភព៖ CNN News
