loader

សមត្ថកិច្ចបញ្ឈរជើងអនុសេនីយ៍ឯកម្នាក់ករណីបង្ហោះលក់ដូរតួនាទីនគរបាល

ភ្នំពេញ៖ លោកអនុសេនីយ៍ឯក ម៉ិច មាស ជាមន្ត្រីប៉ុស្តិ៍នគរបាលរដ្ឋបាលសង្កាត់ទឹកថ្លា ត្រូវបានសមត្ថកិច្ចនៃអធិការដ្ឋាននគរបាលខណ្ឌសែនសុខ ផ្អាកការងារ និងដកមកបញ្ឈរជើងរយៈពេល ០៣ខែ បន្ទាប់ពីលោក ម៉ិច មាស បានប្រើប្រាស់បណ្តាញសង្គម Tik Tok បង្ហោះការលក់ដូរតួនាទីនៅអគ្គស្នងការដ្ឋាននគរបាលជាតិ និង ក្រសួងមហាផ្ទៃ។ នេះបើតាមគេហទំព័ររបស់អគ្គស្នងការនគរបាលជាតិចេញផ្សាយករណីនេះនៅថ្ងៃទី២៦ ខែធ្នូ ឆ្នាំ២០២២នេះ។

គណនីTik Tok របស់លោក ម៉ិច មាស ។រូបភាពពីអគ្គស្នងការនរគបាលជាតិ។

 

ការកោះហៅលោក ម៉ិច មាស មកបំភ្លឺករណីនេះ បន្ទាប់ពីសមត្ថកិច្ចបានឃើញវីដេអូបង្ហោះតាមបណ្តាណសង្គម Tik Tok ដែលមានម្ចាស់គណនីឈ្មោះថា Tik Tok Fan Dy 9828 ជាមន្ត្រីប៉ុស្តិ៍នគរបាលរដ្ឋបាលទឹកថ្លា ពីការលក់ដូរតួនាទីនេះកាលពីថ្ងៃទី២៤ ខែធ្នូ ឆ្នាំ២០២២។

ឆ្លងកាត់តាមការសាកសួរលោកអនុសេនីយ៍ឯក ម៉ិច មាស បានសារភាពថា រូបលោកពិតជាបានបង្ហោះខ្លឹមសារខាងលើពិតប្រាកដមែន តែពុំមានចេតនាក្នុងការលក់ដូរអ្វីឡើយ គឺគោលបំណងផុសបង្អួតដល់មិត្តភ័ក្ត្រជាកងកម្លាំងដូចគ្នាតែប៉ុណ្ណោះ ។

ករណីនេះសមត្ថកិច្ចនៃអធិការដ្ឋាននគរបាលខណ្ឌសែនសុខ បានធ្វើការណែនាំអប់រំ ធ្វើកិច្ចសន្យា និងដាក់វិន័យរដ្ឋបាល ដោយសម្រេចចេញលិខិតព្រមានដោយផ្អាកការងារ និងដកមកបញ្ឈរជើងរយៈពេល០៣ខែ ហើយត្រូវបង្ហាញមុខនៅផ្នែករដ្ឋបាល នៃអធិការដ្ឋាននគរបាលខណ្ឌសែនសុខជារៀលរាល់ថ្ងៃ៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ករណីឱ្យសមាគមគ្រូបង្រៀនអាចដង្ហែធម្មយាត្រានិងការតម្រូវឱ្យផ្ញើរបាយការណ៍សកម្មភាពការងារនិងហិរញ្ញវត្ថុជារឿងពីរផ្សេងគ្នា

លោកនាយឧត្តមសេនីយ៍ ខៀវ សុភ័ក្រ អ្នកនាំពាក្យក្រ[...]

អង្គការចំនួនពីរសហការផ្តល់ការអប់រំឡើងវិញដល់កុមារបឋមសិក្សា៦៣៨សាលាក្នុងខេត្តចំនួន១០

ភ្នំពេញ៖ អង្គការ អេដ អេ អាកស្យុង និង អង្គការ [...]

មន្ដ្រីនគរបាលម្នាក់ត្រូវបានបន្ថយសក្ដិក្រោយឃាត់ស្ដ្រីបើកបរមិនពាក់ខ្សែក្រវ៉ាត់នៅក្រៅម៉ោងធ្វើការ

នៅថ្ងៃទី២៦ ខែ មករា ឆ្នាំ២០២៣នេះ ក្រុមការងារព័[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x