loader

សកម្មជន​ហុងកុង​ម្នាក់​ដែលធ្វើបាតុកម្ម​នៅ​ទីលាន​ធានអានមេន​ត្រូវបានសាលាឧទ្ធរណ៍ហុងកុងទម្លាក់ការចោទប្រកាន់

 

 

តុលាការជាន់ខ្ពស់ហុងកុង បានទម្លាក់ចោលការចោទប្រកាន់លើសកម្មជនម្នាក់ភេទស្រីឈ្មោះថា Chow Hang Tung ក្នុងការព្យាយាមធ្វើបាតុកម្មនៅទីលានធានអានមេនកាលពីឆ្នាំមុន។

(ព័ត៌មាននេះរាយការណ៍ដោយកញ្ញា​ កែវ សុជាតា)

បើយោងតាមសារព័ត៌មាន BBC បានឱ្យដឹងថា អ្នកស្រី Chow Hang-tung អតីតអនុប្រធានចលនាគាំទ្រប្រជាធិបតេយ្យស្នេហាជាតិក្នុងប្រទេសចិន បានឈ្នះបណ្ដឹងឧទ្ធរណ៍នៅថ្ងៃពុធ ទី១៤ ខែធ្នូ ឆ្នាំ២០២២។

តាមប្រភព BBC ដដែលបានបន្តថា ចៅក្រម​ Judiana Barnes ​បាន​សម្រេច​ទម្លាក់បទចោទប្តឹង ដោយសារប៉ូលិស​មិន​បាន​បង្ហាញ​ភស្តុតាងសមស្របណាមួយ​ចំពោះ​ករណីនេះ។ ចៅក្រមរូបនេះបានបន្ថែមថា ប៉ូលីសមិនបានពិចារណាឱ្យបានហ្មត់ចត់ លើវិធានការការពារសុខមាលភាពប្រជាពលរដ្ឋ។ ផ្ទុយទៅវិញ ប៉ូលីសបានចោទពួកគេថាបានជួបជុំគ្នាជាសាធារណដែលខុសទៅនឹងច្បាប់ទៅវិញ។

យ៉ាងណាមិញ ចៅក្រម Amy Chan បាននិយាយថា អ្នកស្រី Chow អត្មានិយម និងគោរពខ្លាចច្បាប់ ដោយគិតថាសេរីភាពនៃការជួបជុំមានសារៈសំខាន់ជាងសុខភាពសាធារណៈ។

សូមបញ្ជាក់ថា លោកស្រី Chow Hang Tung ត្រូវបានចាប់ខ្លួននៅខែមិថុនា ឆ្នាំ២០២១ ពីបទញុះញង់ សាធារណៈជនឱ្យចូលរួមក្នុងការធ្វើបាតុកម្មក្នុងឆ្នាំនោះ។ អ្នកស្រីបានដឹកនាំក្រុមសម្ព័ន្ធ Hong Kong Alliance ដែលជាក្រុមរៀបចំបាតុកម្មប្រចាំឆ្នាំ ហើយនៅក្នុងឆ្នាំនោះដែរ អ្នកស្រីបានបង្ហោះអត្ថបទនៅលើប្រព័ន្ធផ្សព្វផ្សាយសង្គម និងគេហទំព័រព័ត៌មានជំរុញប្រជាជនហុងកុងឱ្យងាកមកចាប់អារម្មណ៍ក្នុងរឿងនេះ។

គួរបញ្ជាក់ថា អាជ្ញាធរហុងកុងបានលើកឡើងពីការរឹតបន្តឹងជំងឺរាតត្បាត Covid ១៩ ដែលជាហេតុផលហាមឃាត់ការធ្វើបាតុកម្មរបស់ក្រុម Tiananmen ចាប់តាំងពីឆ្នាំ២០២០មកម្ល៉េះ។ ទោះបីជាយ៉ាងនេះក្តី ចៅក្រមតុលាការជាន់ខ្ពស់កាលពីថ្ងៃពុធបានរកឃើញថា ប៉ូលីសមិនបានស្វែងរកជម្រើសត្រឹមត្រូវសម្រាប់ឱ្យបាតុករអាចធ្វើបាតុកម្មក្នុងលក្ខខណ្ឌសុវត្ថិភាពក្នុងសម័យ Covid-19 ឡើយ ។

អ្នកស្រី Chow និងអ្នកតស៊ូមតិសិទ្ធិមនុស្សផ្សេងទៀត យល់ថាវិធានការរឹតបន្តឹង Covid ១៩ នេះ គ្រាន់តែជាលេសរបស់អាជ្ញាធរហុងកុងដើម្បីហាមឃាត់កុំឱ្យមានការប្រារព្ធពិធីរំលឹកដល់ការបង្គ្រាបបាតុករនៅ Tiananmen យ៉ាងធ្ងន់ធ្ងរ និងជាបញ្ហារសើបខ្លាំងនៅក្នុងប្រទេសចិនដីគោក៕

ប្រភព៖ BBC ថ្ងៃព្រហស្បតិ៍​ ទី១៥ ខែធ្នូ ឆ្នាំ២០២២

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ប្រជាជនអាហ្វហ្គានីស្ថាន១៦២នាក់ បានស្លាប់ដោយសារអាកាសធាតុត្រជាក់ខ្លាំង

  អាជ្ញាធរអាហ្វហ្គានីស្ថានបានរាយការណ៍កាល[...]

ក្រោមការគ្រប់គ្រងរបស់យោធាភូមាការដាំដុះអាភៀនមានការកើនឡើង

  របាយការណ៍របស់អង្គការសហប្រជាជាតិបានឱ្យដ[...]

សម្តេចសង្ឃកាតូលិកអំពាវនាវ​ឱ្យ​លុបចោលនូវច្បាប់​ប្រឆាំង​នឹងក្រុម​អ្នកស្រឡាញ់​ភេទ​ដូចគ្នា

  សម្តេចសង្ឃកាតូលិកបានចេញមុខបដិសេធច្បាប់[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x