loader

អ៊ីរ៉ង់នឹងរំសាយប៉ូលីសសីលធម៌ចោលខណៈការតវ៉ានៅតែបន្ត

 

ប៉ូលីសសីលធ៌មរបស់ប្រទេសអ៊ីរ៉ង់ ដែលមានភារកិច្ចត្រួតពិនិត្យការស្លៀកពាក់តាមបែបឥស្លាម ត្រូវបានរំសាយ។នេះបើតាមលោកមេធាវី Mohammad Jafar Montazeri បានលើកឡើងកាលពីថ្ងៃអាទិត្យ តែមិនទាន់បានបញ្ជាក់ពីប្រភពផ្សេងទៀតនៅឡើយទេ។

លោកមេធាវី Montazeri បានឆ្លើយនៅក្នុងសន្និសីទសាសនាមួយ ថាតើប៉ូលីសសីលធម៌ត្រូវបានរំសាយឬយ៉ាងណា?លោក​បាន​ថ្លែង​ថា​៖ «​ប៉ូលិស​សីលធម៌​មិន​មាន​ពាក់ព័ន្ធ​នឹង​ស្ថាប័ន​តុលាការ​ទេ ហើយ​ត្រូវ​បាន​បិទ​ពី​ចំណុច​ដែល​ពួកគេ​​បាន​បង្កើត​ឡើង»។ការ​គ្រប់​គ្រង​កម្លាំងជាភារកិច្ចរបស់​ក្រសួង​មហាផ្ទៃ មិន​មែន​ជាភារកិច្ចរបស់​​តុលាការ​ទេ។កាល​ពី​ថ្ងៃ​សៅរ៍ លោក Montazeri ក៏​បាន​ប្រាប់​សភា​អ៊ីរ៉ង់​ផង​ដែរថានឹង​​

ពិនិត្យ​ឡើងវិញនូវ​ច្បាប់​ដែល​តម្រូវ​ឱ្យ​ស្ត្រី​ពាក់​ហ៊ី​ចាប(កន្សែងគ្របក្បាល)​ ។

ទោះបីជាប៉ូលីសសីលធម៌ត្រូវបានរំសាយក៏ដោយ ក៍មិនមានន័យថាច្បាប់ស្លៀកពាក់តាមបែបឥស្លាមដ៏តឹងរឹងដែលមានអាយុកាលរាប់ទសវត្សរ៍នឹងត្រូវផ្លាស់ប្តូរនោះទេ។ចាប់តាំងពីអ្នកស្រី Amini អាយុ 22 ឆ្នាំបានស្លាប់នៅក្នុងមន្ទីរឃុំឃាំងនៅថ្ងៃទី 16 ខែកញ្ញាបីថ្ងៃបន្ទាប់ពីការចាប់ខ្លួនដោយប៉ូលីសសីលធម៌នៅទីក្រុង Tehran បានបង្កឱ្យមានការតវ៉ានៅទូទាំងប្រទេសអីរ៉ង់។

 

បើ​មានការ​រំសាយ​ចោល​ប៉ូលិស​សីលធម៌​ពិតមែននោះ វានឹង​ក្លាយ​ជា​សម្បទានមួយដល់ក្រុមអ្នកតវ៉ា ប៉ុន្តែ​មិន​មាន​ការ​ធានា​ថាមានការបញ្ឈប់​ការ​តវ៉ា​នោះដែរ។ស្ត្រីជនជាតិអ៊ីរ៉ង់ម្នាក់បានប្រាប់ BBC World Service ថា “មិនមែនគ្រាន់តែរដ្ឋាភិបាលបានសម្រេចចិត្តរុះរើប៉ូលីសសីលធម៌ មានន័យថាការតវ៉ាបានបញ្ចប់នោះទេ។”សូម្បីតែរដ្ឋាភិបាលដែលនិយាយថា hijab គឺជាជម្រើសផ្ទាល់ខ្លួនគឺមិនគ្រប់គ្រាន់ដែរ។ ប្រជាជនដឹងថាអ៊ីរ៉ង់គ្មានអនាគតជាមួយរដ្ឋាភិបាលកំពុងកាន់អំណាចនេះទេ។ យើងនឹងឃើញមនុស្សកាន់តែច្រើនពីគ្រប់ស្រទាប់វណ្ណៈនៃសង្គមអ៊ីរ៉ង់ ចេញមកគាំទ្រស្ត្រីដើម្បីទទួល​បាន​សិទ្ធិ​កាន់​តែ​ច្រើន​ឡើង​វិញ»។ ស្ត្រី​ម្នាក់​ទៀត​បាន​និយាយ​ថា​៖ «​ពួក​យើង​ជា​អ្នក​តវ៉ា​មិន​ខ្វល់​ពី​ការ​មិន​ពាក់​កន្សែងគ្របក្បាល​នេះ​ទៀត​ទេ យើង​បាន​ចេញ​ទៅ​ក្រៅ​ដោយ​គ្មាន​វា​អស់​រយៈពេល ៧០ ថ្ងៃ​​មក​ហើយ។”បដិវត្តន៍គឺជាអ្វីដែលយើងមាន។ Hijab គឺជាការចាប់ផ្តើមនៃបដិវត្ដន៍ ហើយយើងមិនចង់បានអ្វីច្រើននោះទេ ប៉ុន្តែអ្វីដែលយើងចង់បានគឺការស្លាប់របស់ក្រុមជនផ្តាច់ការ និងការផ្លាស់ប្តូររបប។” “ប៉ូលីសសីលធម៌”របស់អ៊ីរ៉ង់ មានក្រុមផ្សេងៗគ្នាជាច្រើនចាប់តាំងពីបដិវត្តន៍អ៊ីស្លាមឆ្នាំ 1979 ប៉ុន្តែកំណែទម្រង់ចុងក្រោយបំផុតដែលត្រូវបានគេស្គាល់ជាផ្លូវការថា Gasht-e Ershad បច្ចុប្បន្នគឺជាទីភ្នាក់ងារសំខាន់ដែលមានភារកិច្ចអនុវត្តក្រមសីលធម៌របស់អ៊ីរ៉ង់។ពួកគេបានចាប់ផ្តើមដើរល្បាតត្រួតពិនិត្យក្នុងឆ្នាំ 2006 ដើម្បីអនុវត្តរបៀបស្លៀកពាក់ដែលតម្រូវឱ្យស្ត្រីស្លៀកសំលៀកបំពាក់វែង និងហាមស្លៀកខោខ្លី ខោខូវប៊យរហែក និងសំលៀកបំពាក់ផ្សេងទៀតដែលចាត់ទុកថាមិនសមរម្យ។

 

ប្រភព៖ BBC ថ្ងៃទី៥ ខែធ្នូ ឆ្នាំ២០២២

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ប្រជាជនអាហ្វហ្គានីស្ថាន១៦២នាក់ បានស្លាប់ដោយសារអាកាសធាតុត្រជាក់ខ្លាំង

  អាជ្ញាធរអាហ្វហ្គានីស្ថានបានរាយការណ៍កាល[...]

ក្រោមការគ្រប់គ្រងរបស់យោធាភូមាការដាំដុះអាភៀនមានការកើនឡើង

  របាយការណ៍របស់អង្គការសហប្រជាជាតិបានឱ្យដ[...]

សម្តេចសង្ឃកាតូលិកអំពាវនាវ​ឱ្យ​លុបចោលនូវច្បាប់​ប្រឆាំង​នឹងក្រុម​អ្នកស្រឡាញ់​ភេទ​ដូចគ្នា

  សម្តេចសង្ឃកាតូលិកបានចេញមុខបដិសេធច្បាប់[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x