លោកស្រីMélanie Joly រដ្ឋមន្ត្រីការបរទេសកាណាដាថ្លែងនៅទីក្រុង Ottawa ថាការកំណត់គោលដៅវាយប្រហាររបស់រុស្ស៊ីលើបណ្តាញថាមពល និងហេដ្ឋារចនាសម្ព័ន្ធស៊ីវិល បានពង្រឹងការគាំទ្ររបស់សម្ព័ន្ធមិត្តបន្ថែមទៀត។
រដ្ឋមន្ត្រីការបរទេសកាណាដាបានប្រាប់កាសែត The Guardian ថាណាតូនៅតែប្តេជ្ញាចិត្តយ៉ាងមុតមាំក្នុងការជួយដល់អ៊ុយក្រែនក្នុងរដូវរងាដ៏លំបាក បើទោះបីជាសង្គ្រាមជាមួយរុស្ស៊ី នៅតែមើលមិនឃើញទីបញ្ចប់ក៍ដោយ។“រុស្ស៊ីមិននៅក្នុងតុចរចាទាល់តែសោះ។ ដូច្នេះហើយ គោលដៅរបស់យើងនៅពេលនេះ គឺគ្រាន់តែពង្រឹងជំហររបស់អ៊ុយក្រែននៅលើដី តាមរយៈជំនួយយោធា ការចែករំលែកព័ត៌មានសម្ងាត់ និងការគាំទ្រផ្នែកហិរញ្ញវត្ថុ”។ “យើងធ្វើបែបនេះ ដោយសារយើងពិតជាចង់ពង្រឹងជំហររបស់ពួកគេនៅតុចរចា។ វានឹងមានដំណោះស្រាយការទូតនៅទីបំផុត។ នោះជាករណីនៅក្នុងជម្លោះនីមួយៗ។ ប៉ុន្តែយើងមិនទាន់មានដំណោះស្រាយណាមួយនៅឡើយទេ»។
ទោះបីជាមានរបាយការណ៍ថាសម្ព័ន្ធមិត្តលោកខាងលិចកំពុងបង្កើនការប្រុងប្រយ័ត្នចំពោះការបន្តដឹកជញ្ជូនសព្វាវុធមានតម្លៃថ្លៃ និងព្រួយបារម្ភចំពោះល្បឿនដែលអ៊ុយក្រែនកំពុងប្រើប្រាស់គ្រាប់រំសេវរបស់ខ្លួនក៏ដោយ លោកស្រីJoly បានថ្លែងថាមាន “ការគាំទ្រយ៉ាងខ្លាំងសម្រាប់អ៊ុយក្រែន” នៅមុនកិច្ចប្រជុំកំពូលណាតូ។
លោកស្រីបានចង្អុលបង្ហាញលើការសន្យារបស់កាណាដាផ្ដល់ជំនួយយោធាថ្មីដល់អ៊ុយក្រែនចំនួន 500 លានដុល្លារកាណាដា ឬស្មើនឹង 310 លានផោន ដែលបានប្រកាសនៅឯកិច្ចប្រជុំកំពូល G20 នៅទីក្រុងហ្សាកាតា។លោកស្រីJoly បាននិយាយថា ការកំណត់គោលដៅវាយប្រហាររបស់រុស្ស៊ីលើហេដ្ឋារចនាសម្ព័ន្ធស៊ីវិលរបស់អ៊ុយក្រែន ជាពិសេសរោងចក្រថាមពល គឺមានតែបង្កើនការគាំទ្រពីសម្ព័ន្ធមិត្តតែប៉ុណ្ណោះ។
លោកស្រីបាននិយាយថា “យើងត្រូវធ្វើឱ្យប្រាកដថាប្រជាជនអ៊ុយក្រែនអាចឆ្លងកាត់រដូវរងាដ៏លំបាកនេះបាន” ដោយបន្ថែមថារដ្ឋមន្ត្រីថាមពលមកពីអង្គការណាតូកំពុងស្វែងរកដំណោះស្រាយចំពោះវិបត្តិថាមពលដែលកំពុងកើនឡើង។
ប្រទេសរុស្ស៊ីបានវាយប្រហារដោយមីស៊ីលកន្លែងផលិតថាមពលនៅជុំវិញទីក្រុង Kyiv ដែលបណ្តាលឱ្យដាច់ចរន្តអគ្គិសនី និងដាច់ការផ្គត់ផ្គង់ទឹក។
នៅប្រទេសអុយក្រែនសីតុណ្ហភាពអាចនឹងធ្លាក់ចុះដល់ -11C ក្នុងរយៈពេលជាងមួយសប្តាហ៍។ ជំនួយអន្តរជាតិត្រូវបានផ្តោតកាន់តែខ្លាំងឡើងលើវត្ថុដូចជាម៉ាស៊ីនភ្លើង និងម៉ាស៊ីនបំលែងថាមពលស្វ័យប្រវត្តិ ដើម្បីធ្វើឱ្យប្រាកដថាអាចដោះស្រាយអ្វីៗគ្រប់យ៉ាងតាមដែលអាចធ្វើទៅបានរាប់ចាប់ពីផ្ទះបាយរហូតដល់បន្ទប់ធ្វើការ។ ប្រធានគោលនយោបាយការបរទេសរបស់សហភាពអឺរ៉ុប លោក Josep Borrell បាននិយាយថា ប្រធានាធិបតីរុស្ស៊ី លោក វ្ល៉ាឌីមៀ ពូទីន “បន្តព្យាយាមធ្វើឱ្យអ៊ុយក្រែនក្លាយជាកន្លែងមានប្រហោងខ្មៅ black hole គ្មានពន្លឺ គ្មានអគ្គិសនី គ្មានកំដៅ ដើម្បីឱ្យប្រជាជនអ៊ុយក្រែនស្ថិតក្នុងភាពងងឹត និងត្រជាក់”។ដូច្នេះយើងត្រូវបន្តការគាំទ្រក្នុងការផ្តល់សម្ភារៈបន្ថែមទៀតសម្រាប់ប្រជាជនអ៊ុយក្រែនដើម្បីប្រឈមមុខនឹងរដូវរងាដោយគ្មានអគ្គិសនី»។ លោក Borrell កំពុងដឹកនាំកិច្ចប្រជុំរដ្ឋមន្ត្រី EU ដែលប្រធានបទជាពិសេសអាចអំពីការ”សម្លឹងមើលវិបត្តិមនុស្សធម៌ក្នុងសង្រ្គាមអ៊ុយក្រែន ” ។ ក្នុងរយៈពេលបីថ្ងៃខាងមុខ មេដឹកនាំណាតូ និងរដ្ឋមន្ត្រីការបរទេសនឹងប្រមូលផ្តុំគ្នានៅទីក្រុង Bucharest ប្រទេសរូម៉ានី ដែលទិដ្ឋភាពបែបនេះក៍រំពឹងថានិងជជែកពីកិច្ចការមនុស្សធម៌ផងដែរ។ក្រុមហ៊ុនផ្តល់ថាម-ពលរបស់អ៊ុយក្រែន Ukrenergo បាននិយាយកាលពីថ្ងៃចន្ទថាបន្ទាប់ពីការវាយប្រហាររបស់រុស្ស៊ីលើហេ-ដ្ឋារចនាសម្ព័ន្ធថាមពល លទ្ធភាពនៃការផ្គត់ផ្គង់ថាមពលមានតែ 27% ប៉ុណ្ណោះ។ ” ភាពស្មុគស្មាញ និងទំហំនៃការខូចខាតគឺមានកម្រិតខ្ពស់ណាស់ ហើយការងារជួសជុលបាននិងកំពុងធ្វើរហូតមក”។
ប្រភព៖ The Guardian ចុះថ្ងៃទី២៩ ខែវិច្ឆិកា ឆ្នាំ២០២២
