loader

ជំនួបរវាងនាយករដ្ឋកម្ពុជានិងប្រធាន UN រំលេចឡើងនូវគម្រោងសកម្មភាពមនុស្សធម៌របស់កម្ពុជានៅប្រទេសអ៊ុយក្រែន

ភ្នំពេញ៖ តាមរយៈសេចក្តីប្រកាសព័ត៌មានរបស់ក្រសួងការទេសកម្ពុជាជុំវិញលទ្ធផលនៃជំនួបពិភាក្សាការងារទ្វេភាគីរវាងសម្តេច ហ៊ុន សែន នាយករដ្ឋមន្រ្តីកម្ពុជានិងអគ្គលេខាធិការអង្គការសហប្រជាជាតិលោក Guterres កាលពីថ្ងៃទី១៣ ខែវិច្ឆិកា ឆ្នាំ២០២២ម្សិលមិញ បានឱ្យដឹងពីកិច្ចសហការរបស់កម្ពុជាជាមួយអង្គការសហប្រជាជាតិដែលទទួលបានជោគជ័យលើចំណុចសំខាន់ៗមួយចំនួននាពេលកន្លងមក។

ក្នុងនោះមានកិច្ចសហការអនុវត្តដំណើរការសាលាក្តីខ្មែរក្រហម ការសហការរក្សាសន្តិភាពតាមរយៈការបញ្ជូនកងទ័ពមួកខៀវកម្ពុជាក្នុងក្របខណ្ឌអង្គការសហប្រជាជាតិនិងសកម្មភាពមួយចំនួនទៀត។

ជំនួបពិភាក្សាការងារទ្វេភាគីរវាងសម្តេច ហ៊ុន សែន នាយករដ្ឋមន្រ្តីកម្ពុជានិងអគ្គលេខាធិការអង្គការសហប្រជាជាតិលោក Guterres។រូបភាពពីហ្វេសប៊ុកសម្តេច ហ៊ុន សែន។

 

ក្នុងជំនួបនោះដែរ សម្តេច ហ៊ុន សែន និងលោក Guterres ក៏បានពិភាក្សាលើកិច្ចការសហប្រតិបត្តិការរបស់កម្ពុជានិងUNក្នុងការប្រយុទ្ធប្រឆាំងនឹងការប្រែប្រួលអាកាសធាតុ។

អ្វីជាពិសេសនោះ នាយករដ្ឋមន្រ្តីកម្ពុជាបានលើកឡើងអំពីការសម្រេ​ចចិត្តរបស់រាជរដ្ឋាភិបាលកម្ពុជាត្រៀមបញ្ចូនកងទ័ពមួកខៀវកម្ពុជាទៅជួយបណ្តុះបណ្តាលអ្នកដោះមីនប្រទេសអ៊ុយក្រែន និងប្រទេសប៉ូឡូញ។

ឆ្លៀតក្នុងឱកាសនោះដែរ សម្តេច ហ៊ុន សែន បានស្នើដល់ប្រធានUN ឱ្យបង្កើនជំនួយលើការដោះមីននៅកម្ពុជា ដើម្បីជំរុញឱ្យកម្ពុជាអាចសម្រេចគោលដៅ«កម្ពុជាគ្មានមីនត្រឹមឆ្នាំ២០២៥»និងបានស្នើបញ្ចូលការដោះមីនទៅក្នុងគោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ។

ឆ្លើយតបក្នុងរឿងនេះ លោក Guterres បានកោតសរសើរនិងវាយតម្លៃខ្ពស់ចំពោះការយកចិត្តទុកដាក់យ់ាងខ្លាំងរបស់សម្តេច ហ៊ុន សែន លើការដោះមីននេះ។ ចំណែកសំណើរបស់កម្ពុជាលោក Guterres បានធានាចំពោះសម្តេច ហ៊ុន សែន ក្នុងការគិតគូតយ៉ាងយកចិត្តទុកដាក់ចំពោះសំណើនិងសំណូមពរ៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ករណីឱ្យសមាគមគ្រូបង្រៀនអាចដង្ហែធម្មយាត្រានិងការតម្រូវឱ្យផ្ញើរបាយការណ៍សកម្មភាពការងារនិងហិរញ្ញវត្ថុជារឿងពីរផ្សេងគ្នា

លោកនាយឧត្តមសេនីយ៍ ខៀវ សុភ័ក្រ អ្នកនាំពាក្យក្រ[...]

អង្គការចំនួនពីរសហការផ្តល់ការអប់រំឡើងវិញដល់កុមារបឋមសិក្សា៦៣៨សាលាក្នុងខេត្តចំនួន១០

ភ្នំពេញ៖ អង្គការ អេដ អេ អាកស្យុង និង អង្គការ [...]

មន្ដ្រីនគរបាលម្នាក់ត្រូវបានបន្ថយសក្ដិក្រោយឃាត់ស្ដ្រីបើកបរមិនពាក់ខ្សែក្រវ៉ាត់នៅក្រៅម៉ោងធ្វើការ

នៅថ្ងៃទី២៦ ខែ មករា ឆ្នាំ២០២៣នេះ ក្រុមការងារព័[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x