loader

សម្តេច ហ៊ុន​ សែន លើកពាក្យស្លោកមួយឃ្លាក្នុងកិច្ចប្រជុំអាស៊ានថា«គ្រោះមហន្តរាយនិងវិបត្តិអាចបញ្ចេញឧត្តមភាពរបស់មនុស្ស»

ភ្នំពេញ​៖ នៅចំពោះមុខមេដឹកនាំជាន់ខ្ពស់នៃប្រទេសអាស៊ាន សម្តេច ហ៊ុន សែន ក្នុងនាមជាប្រធានអាស៊ានដែលកំពុងដឹកនាំកិច្ចប្រជុំនៅរាជធានីភ្នំពេញនៅថ្ងៃទី១១ ខែវិច្ឆិកាឆ្នាំ២០២២នេះ សម្តេចលើកឡើងនូវពាក្យស្លោកមួយឃ្លាថា«គ្រោះមហន្តរាយ និងវិបត្តិអាចបញ្ចេញមកនូវឧត្តមភាពរបស់មនុស្ស»។

ការលើកឡើងនូវពាក្យស្លោកមួយឃ្លានេះ ព្រោះសម្តេចយល់ថា ប្រជាជាតិអាស៊ានរាប់លាននាក់នៅតែប្រឈមទៅនឹងស្ថានភាពសង្គមសេដ្ឋកិច្ចដ៏ផុយស្រួយនិងងាយបែកខ្ញែកគ្នានៅឡើយ។

នាយករដ្ឋមន្រ្តីកម្ពុជាក្នុងនាមជាប្រធានអាស៊ានបានថ្លែងបន្តដោយដាក់ការរំពឹងថា ថ្នាក់ដឹកនាំទាំងអស់នឹងឈរលើកគោលជំហររួមគ្នា ដោះស្រាយបញ្ហាប្រឈមនានាដែលកំពុងកើតមានក្នុងតំបន់និងពិភពលោក ស្របតាមមូលបទឆ្នាំនេះគឺ«អាស៊ានរូមគ្នាធ្វើ៖ដោះស្រាយបញ្ហាប្រឈនទាំងអស់គ្នា»។

មេដឹកនាំអាស៊ាននានាក្នុងកិច្ចប្រជុំអាស៊ាន។រូបភាពទទួលបានពីក្រុមការងាររៀបចំកិច្ចប្រជុំអាស៊ាន២០២២ផ្ញើមកវិទ្យុស្រ្តីតាមEmail។

 

សម្តេច ហ៊ុន​ សែន ថ្លែងបន្តទៀតថា មានតែឧត្តមគតិ និងចក្ខុវិស័យវែងឆ្ងាយរបស់ថ្នាក់ដឹកនាំទេ ទើបជាគោលនយោបាយឈានទៅដល់ការសម្រេចចិត្តត្រឹមត្រូវ ស្របតាមអភិក្រមប្រាកដនិយមក្នុងការដោះស្រាយបញ្ហាប្រឈមនានាដែលអាស៊ានកំពុងជួបប្រទះ។

ឆ្លៀតក្នុងឱកាសនោះសម្តេច ហ៊ុន សែន បញ្ជាក់ថា នៅថ្ងៃស្អែកនេះកម្ពុជានឹងធ្វើជាម្ចាស់ផ្ទះនៃកិច្ចសន្ទនាអាស៊ានលើកទី២ ដើម្បីប្រមូលធាតុចូលឆ្ពោះទៅកាន់ការស្តារសេដ្ឋកិច្ចប្រកបដោយបរិយាបន្ន។ ជាពិសេសកិច្ចប្រជុំនៅថ្ងៃស្អែកនេះ អ្នកពាក់ព័ន្ធអាចដឹងថា តើតំបន់អាស៊ានអាចឆ្លងកាត់បញ្ហាប្រឈមនិងកសាងសហគមន៍កាន់តែរឹងមាំសម្រាប់គ្រប់គ្នាបានយ៉ាងដូចម្តេច?៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ករណីឱ្យសមាគមគ្រូបង្រៀនអាចដង្ហែធម្មយាត្រានិងការតម្រូវឱ្យផ្ញើរបាយការណ៍សកម្មភាពការងារនិងហិរញ្ញវត្ថុជារឿងពីរផ្សេងគ្នា

លោកនាយឧត្តមសេនីយ៍ ខៀវ សុភ័ក្រ អ្នកនាំពាក្យក្រ[...]

អង្គការចំនួនពីរសហការផ្តល់ការអប់រំឡើងវិញដល់កុមារបឋមសិក្សា៦៣៨សាលាក្នុងខេត្តចំនួន១០

ភ្នំពេញ៖ អង្គការ អេដ អេ អាកស្យុង និង អង្គការ [...]

មន្ដ្រីនគរបាលម្នាក់ត្រូវបានបន្ថយសក្ដិក្រោយឃាត់ស្ដ្រីបើកបរមិនពាក់ខ្សែក្រវ៉ាត់នៅក្រៅម៉ោងធ្វើការ

នៅថ្ងៃទី២៦ ខែ មករា ឆ្នាំ២០២៣នេះ ក្រុមការងារព័[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x