loader

កំពង់ធំ៖លោក សំណាង ជាងជួសជុលគ្រឿងអេឡិចត្រូនិចមានពិការភាពប្រាថ្នាចង់ពង្រីកតូបតែខ្វះលទ្ធភាព

កំពង់ធំ៖ នៅក្នុងរោងជាងចាស់តូចមួយមានដំបូងដាច់រហែកដោយអន្លើៗស្ថិតនៅភូមិច្រាំងក្រហម ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ ទីនេះហើយជាតូបជួលជុលគ្រឿងអេឡិចត្រូនិចរបស់លោក សំណាង ដែលមានពិការភាពត្រង់ជើង។

លោក សំណាង កំពុងជួសជុលសម្ភារៈដែលភ្ញៀវយកមឱ្យលោកធ្វើ។

 

លោក សំណាង និយាយថា លោកមានពិការភាពជើងទាំងពីរនេះតាំងពីកំណើតមកម្ល៉េះដោយត្រូវពឹងលើរទេះនិងម៉ូតូកញ្ចាស់ដើម្បីធ្វើដំណើរ។

ថ្លែងប្រាប់សិក្ខាកាមរបស់អង្គការមណ្ឌលព័ត៌មានស្ត្រីកម្ពុជាក្នុងគម្រោងសំឡេងយុវជនមានសារៈសំខាន់លោក សំណាង និយាយថា លោកមិនដែលបាក់ទឹកចិត្តនិងអស់សង្ឃឹមក្នុងជីវិតឡើយ ទោះបីខ្លួនមានពិការភាពក៏ដោយ។ ជាងជួសជុលគ្រឿងអេឡិចត្រនិចរូបនេះបានបន្ថែមទៀតថា ទោះបីជាលោកមិនអាចធ្វើអ្វីបានងាយស្រួលដូចមនុស្សដទៃដែលមិនមានពិការភាពក៏ដោយ ក៏លោកមិនផ្តេកផ្តួលរមួលផ្សំគ្រេចហើយដើរសុំប្រាក់(ទៀន)អ្នកដទៃដែរ។

រទេះនិងម៉ូតូរបស់លោក សំណាង ។

 

លោកឱ្យដឹងបន្តទៀតថា លោកបានរៀននឹងមានជំនាញជួសជុលគ្រឿងអេឡិចត្រូនិចមួយចំនួនដូចជា ម៉ាញ៉េ ទូរទស្សន៍ កង្ហារ ឆ្នាំងដាំបាយអគ្គិសនី កំសៀវអគ្គិសនី និងធុងបាសជាដើម។ ដោយឡែកប្រាក់ចំណូលវិញលោកថា លោកអាចទទួលបានចំនួនចន្លោះពី ២ ម៉ឺនរៀលដល់ ៤ ម៉ឺនរៀលក្នុងមួយថ្ងៃៗ។

ទោះបីជាជាងម៉ាញ៉េរូបនេះពិការជើងមែនតែលោក សំណាង មិនដែលរង់ចាំឱ្យអតិថិជនយកសម្ភារៈមកឱ្យលោកជួសជុលនោះទេ គឺលោកតែងជិះម៉ូតូតាមភូមិសួរនាំប្រជាពលរដ្ឋជានិច្ច។

សម្ភារៈក្នុងរោងជាងរបស់លោក សំណាង។

 

មួយទៀតដែល តាមការសាកសួរពីសិក្ខាកាមរបស់WMCលោក​ សំណាង បញ្ជាក់ថាលោកមានមហិច្ឆិតាចង់ពង្រីកតូបរបស់លោកឱ្យធំជាងនេះ តែបច្ចុប្បន្នលោកមិនទាន់មានលទ្ធភាពគ្រប់គ្រាន់។

តាមរយៈព័ត៌មាននេះលោក សំណាង រំពឹងថា បងប្អូនដែលបានទទួលព័ត៌មាននេះនឹងចូលរួមចំណែកជាថវិកាតាមលទ្ធភាពជួយផ្ចុងដើមឱ្យលោកអាចមានឱកាសពង្រីកតូបឱ្យធំជាងមុនដើម្បីបន្តមុខរបរចិញ្ចឹមជីវិតតទៅមុខទៀត៕

អត្ថបទខ្លីនេះសរសេរដោយ យឿន ស៊ីឌី ជាសិក្ខាកាមក្នុងវគ្គបណ្តុះបណ្តាលស្តីពីអក្ខរកម្មព័ត៌មាន(MIL)ក្រោមជំនួយពីសហភាពអឺរ៉ុបប្រចាំកម្ពុជា(EU)។

 

 

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

យុវជនកាន់សាសនាផ្សេងៗគ្នាបានទទួលវគ្គបណ្តុះបណ្តាលស្តីពីអក្ខរកម្មប្រព័ន្ធផ្សព្វផ្សាយពីWMC

សិក្ខាកាមជាយុវជនប្រមាណ ៣០នាក់(ស្រី១៤នាក់) ដែល[...]

ក្រសួងអប់រំ និងអង្គការក្រៅរដ្ឋាភិបាល រួមគ្នាជំរុញ ការចូលរួមក្នុងកិច្ចការអភិវឌ្ឍសង្គមជាតិ តាមរយៈការងារស្ម័គ្រចិត្ត

យុវជនគឺជាសក្តានុពល នៅក្នុងការអភិវឌ្ឍប្រទេសជាត[...]

សិស្សនិស្សិតខេត្តបាត់ដំបងជាច្រើនចូលរួមសន្និសីទនិងពិពណ៌បច្ចេកទេសឌីជីថលធុរកិច្ចទិសពាយ័ព្យ“Barcamp Digitech 2022”​

នៅថ្ងៃទី១២ និងទី១៣ ខែធ្នូ ឆ្នាំ២០២២នេះ វិទ្យា[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x