ភ្នំពេញ៖ អ្នកដែលមានជាប់ពាក់ព័ន្ធនឹងលោក សម រង្ស៊ី អតីតប្រធានគណបក្សសង្គ្រោះជាតិ នឹងអាចគេចផុតចេញពីរង្វង់គោលដៅនៃការតាមកម្ចាត់ចោល ករណីបើសិនផ្តាច់ចេញលោក សម រង្ស៊ី ។ នេះជាសារថ្មីមួយលេខទៀតរបស់សម្តេច ហ៊ុន សែន បន្ថែមលើសារព្រមានជាប់ៗគ្នានាប៉ុន្មានថ្ងៃនេះ។
ការបង្ហើរសារថ្មីនេះ កើតមាននៅក្នុងពិធីជួបជាមួយប្រជាជនដែលព្រមស្ម័គ្រចិត្តទៅរស់នៅតំបន់អភិវឌ្ឍន៍ថ្មី រុនតាឯក ខេត្តសៀមរាប នៅថ្ងៃទី២១ ខែតុលាឆ្នាំ២០២២នេះ។
ប្រសាសន៍នាយករដ្ឋមន្ត្រី៖
ជាការឆ្លើយតបក្នុងរឿងនេះ លោក សម រង្ស៊ី បានថ្លែងក្នុងវេទិកាសំឡេងសង្គ្រោះជាតិកាលថ្ងៃទី២០ ខែតុលាឆ្នាំ២០២២ថា លោកគ្មានចេតនាចង់ផ្តួលរលំរាជរដ្ឋាភិបាលដោយប្រើរូបភាពបដិវត្តអ្វីនោះទេ គឺលោក សម រង្ស៊ី ចង់ផ្តួលការគ្រប់គ្រងរបស់នាយករដ្ឋបច្ចុប្បន្នតែប៉ុណ្ណោះ។
ប្រសាសន៍លោក សម រង្ស៊ី៖
ចំពោះមុខឆាកនយោបាយឆ្នាំងបាយពុះដដែលៗនេះ សម្រាប់អ្នកនយោបាយ និងអ្នកវិភាគនានានៅកម្ពុជានៅតែទទូចដដែលៗថា អ្នកនយោបាយកម្ពុជាគប្បីបញ្ឈប់គំនិតគំកួន ស្អប់ខ្ពើម និងរើសអើងគ្នា។ ក្តីព្រួយបារម្ភរបស់អ្នកនយោបាយនិងអ្នកវិភាគលើបណ្តាញសារព័ត៌មាននេះ ព្រោះមិនចង់ឱ្យសង្គមជាតិមានការប្រេះស្រាំ មិនមានការឯកភាពគ្នា ឬបង្កអស្ថិរភាព លំបាកដល់អ្នកនយោបាយជំនាន់ក្រោយត្រូវដោះស្រាយ៕
