en     km
en     km

ស្ថាប័នសិទ្ធិមនុស្សរបស់អង្គការសហប្រជាជាតិមិនពិភាក្សាអំពីការរំលោភសិទ្ធិមនុស្សនៅតំបន់ស៊ីនជាំង

Share

 

 

ហ្សឺណែវ (AP)៖ នេះជាជ័យជម្នះផ្នែកការទូតរបស់ប្រទេសចិន ស្ថាប័នសិទ្ធិមនុស្សកំពូលរបស់អង្គការសហប្រជាជាតិកាលពីថ្ងៃព្រហស្បតិ៍បានបោះឆ្នោតបដិសេដសំណើរបស់ចក្រភពអង់គ្លេស ទួរគី សហរដ្ឋអាមេរិក និងបណ្តាប្រទេសលោកខាងលិចផ្សេងទៀត ដើម្បីពិភាក្សាដេញដោលអំពីការរំលោភសិទ្ធិជនសាសនាអ៊ីស្លាម ជនជាតិ Uyghurs និងជនជាតិភាគតិចផ្សេងទៀតនៅក្នុងតំបន់ Xinjiang ភាគខាងលិចរបស់ប្រទេសចិន។

ក្រុមប្រឹក្សាសិទ្ធិមនុស្សមាន 47 ប្រទេស ក្នុងនោះមាន17 ប្រទេសបានបោះឆ្នោតគាំទ្រ 19 ប្រទេសបានជំទាស់ និង 11 ប្រទេសបានបោះឆ្នោតអនុប្បវាទ លើរបៀបវារៈការរំលោភសិទ្ធិមនុស្សរបស់ប្រទេសចិនសម្រាប់កិច្ចប្រជុំបន្ទាប់របស់ក្រុមប្រឹក្សាសិទ្ធិមនុស្សក្នុងខែមីនា។ ការបោះឆ្នោតនេះ គឺជាការសាកល្បងនៃឥទ្ធិពលនយោបាយ និងការទូតរវាងលោកខាងលិច និងទីក្រុងប៉េកាំង។

លោក Dolkun Isa ប្រធានសភា Uyghur ពិភពលោកបាននិយាយនៅក្នុងសេចក្តីថ្លែងការណ៍ថា “នេះគឺជាការបាត់បង់ឱកាស ដែលសមាជិកក្រុមប្រឹក្សាសិទ្ធិមនុស្សទុកអោយប្រទេសចិនមានស្តង់ដារដូចគ្នានឹងប្រទេសដទៃទៀត” ។ «សហគមន៍អន្តរជាតិមិនអាចបរាជ័យក្នុងការជួយជនរងគ្រោះនៃអំពើប្រល័យពូជសាសន៍អ៊ុយហ្គួរឡើយ»។ក្រោយការបោះឆ្នោតបដិសេដរបស់ក្រុមប្រឹក្សាសិទ្ធិមនុស្ស ក្រសួងការបរទេសចិនបានចេញសេចក្តីថ្លែងការណ៍ដ៏វែងមួយដោយនិយាយថា “មួយរយៈពេលនេះ សហរដ្ឋអាមេរិក និងប្រទេសលោកខាងលិចមួយចំនួនទៀត បាននិងកំពុងផ្តល់ព័ត៌មានមិនត្រឹមត្រូវដល់សាធារណជនអំពីតំបន់ស៊ីនជាំង និងស្វែងរកឧបាយកលនយោបាយលើបញ្ហាសិទ្ធិមនុស្ស ដើម្បីបំបាក់មុខចិន និងទប់ស្កាត់ការអភិវឌ្ឍន៍ប្រទេសចិន”។“

 

បញ្ហាដែលក្រុមប្រឹក្សាសិទ្ធិមនុស្សត្រូវយកចិត្តទុកដាក់គឺការរំលោភសិទ្ធិមនុស្សធ្ងន់ធ្ងរទាក់ទងនឹងសហរដ្ឋអាមេរិក ចក្រភពអង់គ្លេស និងកងកម្លាំងលោកខាងលិចមួយចំនួន រួមទាំងការរើសអើងជាតិសាសន៍ជាប្រព័ន្ធ សិទ្ធិជនភៀសខ្លួន និងជនចំណាកស្រុក អំពើហិង្សាដោយកាំភ្លើង ការបង្ខិតបង្ខំជាឯកតោភាគី។ វិធានការ និង​ការ​សម្លាប់​ជន​ស៊ីវិល​ស្លូតត្រង់​យ៉ាង​ច្រើន​សន្ធឹក​សន្ធាប់​ក្នុង​ប្រតិបត្តិការ​យោធា​នៅ​ក្រៅ​ប្រទេស» ។ លោកស្រីMichele Taylor ឯកអគ្គរដ្ឋទូតសហរដ្ឋអាមេរិកបាននិយាយថា សំណើការជជែកពិភាក្សានេះ មានគោលបំណង “ផ្តល់វេទិកាអព្យាក្រឹតសម្រាប់ការពិភាក្សា”។

ក្រុមសិទ្ធិមនុស្សបានចោទប្រកាន់ប្រទេសចិនថាបានចាប់ក្រុមជនជាតិភាគតិចរាប់លាននាក់ ដាក់ក្នុងជំរុំឃុំឃាំង ធ្វើទារុណកម្ម រំលោភផ្លូវភេទ បង្ខំឱ្យបោះបង់ភាសាកំណើត និងសាសនារបស់ពួកគេ។ ជំរុំទាំងនោះគឺជាអ្វីដែលក្រុមសិទ្ធិមនុស្សហៅថាជាយុទ្ធនាការដ៏ឃោរឃៅនៅក្នុងតំបន់ Xinjiang ។

ប្រភព៖ AP ថ្ងៃទី 7 ខែតុលា ឆ្នាំ 2022

Share

ព័ត៌មានទាក់ទង

Image