loader

ក្រសួងមិនទាន់អនុញ្ញាតឱ្យប្រើប្រាស់ផ្លូវល្បឿនលឿនជាសាធារណៈនៅឡើយទេ

ភ្នំពេញ៖ ផ្លូវល្បឿនលឿនភ្នំពេញ-ក្រុងព្រះសីហនុ “មិនទាន់អនុញ្ញាត” ឲ្យប្រើប្រាស់ជាសាធារណៈនៅឡើយទេ។នេះបើតាមការបញ្ជាក់ពីក្រសួងសាធារណការ និងដឹកជញ្ជូន ជូនដំណឹងលើទំព័រហ្វេសប៊ុកផ្លូវការ កាលពីរសៀលថ្ងៃទី ២៦ ខែកញ្ញា ឆ្នាំ២០២២។

តាមរយៈការជូនដំណឹងនេះ ក្រសួងសាធារណការ និងដឹកជញ្ជូន បានអំពាវនាវសូមការយោគយល់ពីប្រជាពលរដ្ឋដោយត្រូវអត់ធ្មត់​ រង់ចាំដល់ថ្ងៃទី ០១ ខែតុលា​ ឆ្នាំ២០២២​ ទើបក្រសួងអនុញ្ញាតដាក់ឱ្យដំណើរការប្រើប្រាស់ជាផ្លូវការដោយឥតគិតថ្លៃ។

គូសបញ្ជាក់ផងដែរថា ផ្លូវល្បឿនលឿនភ្នំពេញ-ព្រះសីហនុនេះ ជាផ្លូវថ្មីដំបូងបង្អស់ក្នុងប្រវត្តិសាស្ត្រកម្ពុជា ដែលមានប្រវែងសរុប ១៨៧,០៥គីឡូម៉ែត្រ។ ផ្លូវនេះបានបើកការដ្ឋានសាងសង់ កាលពីថ្ងៃទី ២២ ខែមីនា ឆ្នាំ ២០១៩ ដែលមានទំហំទទឹង ២៤ម៉ែត្រ ចែកចេញជា ៤គន្លង ដោយមានផ្លូវចំនួន ២គន្លងទៅ និង ២គន្លងមក។

ផ្លូវល្បឿនលឿននេះដែរ ក្រាលដោយបេតុងកៅស៊ូ (AC) តភ្ជាប់ពីរាជធានីភ្នំពេញទៅដល់សង្កាត់លេខ ៣ ក្រុងព្រះសីហនុ ខេត្តព្រះសីហនុ ដោយឆ្លងកាត់ខេត្តកណ្តាល កំពង់ស្ពឺ និងខេត្តកោះកុង។ ផ្លូវនេះ មានសួនច្បារខណ្ឌកណ្តាល មានផ្លូវបំបែកប្តូរទិស (Inter-Change) ភ្ជាប់មក​ផ្លូវ​ជាតិ​លេខ​ ៤ ចំនួន ៦កន្លែង មាន​​កន្លែង​ឈប់សម្រាក ៣កន្លែង និងចំណតរថយន្ត ១កន្លែង ផងដែរ។

បើតាមការគណនាពីក្រសួង សម្រាប់ប្រជាពលរដ្ឋដែលធ្វើដំណើរនិងដឹកជញ្ជួនទំនិញពីភ្នំពេញទីក្រុងព្រះសីហនុលើផ្លូវល្បឿនលឿននេះចំណាយពេលប្រមាណ ២ ម៉ោងប៉ុណ្ណោះ​ ដែលកន្លងមកត្រូវចំណាយពេលពី ៥ ទី៦ ម៉ោងតាមផ្លូវជាតិលេខ ៤ ៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ករណីឱ្យសមាគមគ្រូបង្រៀនអាចដង្ហែធម្មយាត្រានិងការតម្រូវឱ្យផ្ញើរបាយការណ៍សកម្មភាពការងារនិងហិរញ្ញវត្ថុជារឿងពីរផ្សេងគ្នា

លោកនាយឧត្តមសេនីយ៍ ខៀវ សុភ័ក្រ អ្នកនាំពាក្យក្រ[...]

អង្គការចំនួនពីរសហការផ្តល់ការអប់រំឡើងវិញដល់កុមារបឋមសិក្សា៦៣៨សាលាក្នុងខេត្តចំនួន១០

ភ្នំពេញ៖ អង្គការ អេដ អេ អាកស្យុង និង អង្គការ [...]

មន្ដ្រីនគរបាលម្នាក់ត្រូវបានបន្ថយសក្ដិក្រោយឃាត់ស្ដ្រីបើកបរមិនពាក់ខ្សែក្រវ៉ាត់នៅក្រៅម៉ោងធ្វើការ

នៅថ្ងៃទី២៦ ខែ មករា ឆ្នាំ២០២៣នេះ ក្រុមការងារព័[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x