loader

វត្តឥន្ទកុមារអាយុកាលជាង ១០០ ឆ្នាំនៅរឹងមាំឈរចាំទទួលពុទ្ធបរិស័ទនារដូវបុណ្យភ្ជុំបិណ្ឌ

ភ្នំពេញ៖ មានចម្ងាយប្រមាណ ៧ គីឡូម៉ែត្រពីតំបន់ប្រាសាទសម្បូរព្រៃគុក និងស្ថិតនៅក្នុងភូមិឥន្ទកុមារ ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ ព្រះវិហារមួយមាននាមថា វត្តឥន្ទកុមារ មានវ័យជាង១០០ឆ្នាំហើយគិតមកទល់ពេលបច្ចុប្បន្ន។ នេះបើតាមការបញ្ជាក់ពីព្រះគ្រូឧបជ្ឈាយ៍ ព្រះនាម ហែម អន ជាព្រះគ្រូចៅអធិកាវត្តឥន្ទកុមារនេះ។

ព្រះវិហារវ័យចំនាស់នេះ បច្ចុប្បន្ននៅមានសភាពរឹងមាំនៅឡើយ ប៉ុន្តែ ផ្នែកខ្លះនៃជញ្ជាំង និងសសរ ព្រមទាំងក្បូរក្បាច់រចនាខ្លះមានជាប់ស្នាមកម្អែលពណ៌ខ្មៅជាស្លាកស្នាមកើតឡើងដោយសារអំណាចនៃទឹកភ្លៀងហូរកាត់។

ផ្អែកតាមថេរដីការបស់ព្រះគ្រូ ហែម អន វិហារមួយនេះកសាងឡើងនាអំឡុងសម័យអាណានិគមននិយមបារាំងមកម្ល៉េះ។ ហើយនូវសម័យខ្មែរក្រហមវិហារមួយនេះ ត្រូវបានពួក ប៉ុល ពត បំផ្លាញកម្ទីចោលស្ទើរគ្មានសេសសល់។ ជាងនេះកម្មាភិបាលរបបអៅខ្មៅនេះ បានយកទីសក្ការៈបូជារបស់អ្នកស្រុកធ្វើជាកន្លែងចិញ្ចឹមជ្រូក និងជាជម្រុកស្រូវទៅវិញ។

វត្តឥន្ទកុមារ។

 

ប៉ុន្តែបន្ទាប់ពីរបប ប៉ុល ពត ត្រូវបានដួលរលំទៅ ព្រះចៅអធិការបានប្រមែប្រមូលពុទ្ធបរិស័ទចំណុះជើងវត្តជួសជុលព្រះវិហារនេះឡើងវិញ ហើយបច្ចុប្បន្នវត្តឥទ្ទកុមារនេះត្រូវបន្តការគ្រប់គ្រងទៅព្រះចៅអធិការថ្មីព្រះនាម យាន ស្រេង។

វត្តឥន្ទកុមារនេះមានចម្ងាយឆ្ងាយពីទីរួមខេត្តកំពង់ធំប្រមាណ១០គីឡូម៉ែត្រ។ វត្តនេះសង់លើផ្ទៃដី៤៨០០ម៉ែត្រការ៉េ មានស្រះទឹកបុរាណចំនួន២ប្រវែងជាង១០០ម៉ែត្រផងដែរ។ ជាងនេះវត្តបុរាណវ័យចំណាស់មួយនេះមានបង្គោលសីមាបុរាណ ព្រះពុទ្ធរូបធ្វើអំពីថ្មភ្នំ មានសិលាចរឹក និងក្បាច់រចនាតាមជញ្ជាំងវត្តក៏មានភាពល្អប្រឌិតគួរជាទីគយគន់ផងដែរ។

អ្វីជាពិសេសជាងនេះ វត្តបុរាណមួយនេះនៅតែឈរបង្អួតរាងយ៉ាងរឹងមាំសង្ហារ ដើម្បីជាទីសក្ការៈនៃប្រជាពលបរិស័ទជិតឆ្ងាយមកសាងកុសលនារដូវភ្ជុំបិណ្ឌឆ្នាំនេះ៕

អត្ថបទខ្លីនេះសរសេរដោយ ផាត សុភត្រ្តា ជាសិក្ខាកាមក្នុងវគ្គបណ្តុះបណ្តាលស្ថិតក្នុងគម្រោងសំឡេងយុវជនមានសារៈសំខាន់ គាំទ្រដោយសហភាពអឺរ៉ុបប្រចាំកម្ពុជា(EU) និង DW Akademie។

ខាងក្រោមនេះជារូបភាពវត្តឥន្ទកុមារ៖

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

សិស្សានុសិស្សនិងគ្រូបង្រៀននៅវិទ្យាល័យទួលក្បិលប្រារព្ធពិធីរំលឹកគុណគ្រូនារដូវបុណ្យភ្ជុំបិណ្ឌ

សិស្សានុសិស្សនិងគ្រូបង្រៀននៅវិទ្យាល័យទួលក្បិល[...]

រដ្ឋបាលខេត្តសៀមរាបត្រៀមរថយន្ត ១៥ គ្រឿងដឹកភ្ញៀវត្រឡប់ទៅភ្នំពេញវិញពីថ្ងៃទី២៣ដល់ទី២៧ខាងមុន

សម្រាប់ភ្ញៀវទេសចរណ៍ដែលមានបំណងចង់មកលេងស្រុកកំណ[...]

ទឹកត្រីសញ្ញា«ត្រីកន្ធរ»រូបមន្តតជំនាន់របស់ស្រ្តីម្ចាស់អាជីវកម្មនៅភូមិឥន្ទ្រកុមារខេត្តកំពង់ធំ

ស្ថិតក្នុងរោងផលិតទឹកត្រី ទឹកស៊ីអ៊ីវ និងទឹកម្ទ[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x